புதுச்சேரி:
கோதண்டபாணி (வயது 82) புதுச்சேரி குயவர்பாளையம் சுந்தர மேஸ்திரி வீதியில் வசிக்கிறார். அவர் தனது மனைவியுடன் இணைந்து வாழ்கிறார்.
சமீபத்தில், அவர்கள் புதியதாக வாங்கிய வாஷிங் மெஷின் திடீரெனச் செயலிழந்தது. இதையடுத்து, கோதண்டபாணி அந்த வாஷிங் மெஷின் வாங்கிய கடைக்குத் தொடர்பு கொண்டு புகார் செய்தார்.
அந்தக் கடையில் வேலை செய்யும் முத்தியால்பேட்டை பொன்னியம்மன் கோவில் வீதியைச் சேர்ந்த பிரதீப் (28) உடனடியாக அனுப்பப்பட்டார். வாஷிங் மெஷினின் பழுதுகளை சரிசெய்த பிரதீப், கோதண்டபாணியிடம் பழுது நீக்கப்பட்டதாகக் கூறி, அங்கிருந்து விரைந்து புறப்பட்டுச் சென்றார்.
அவர் சென்றபிறகு, பூஜை அறையில் இருந்த 3 பவுன் நகை காணாமல் போயிருந்தது. இதனைக் கண்ட கோதண்டபாணி அதிர்ச்சியடைந்தார். கடை ஊழியர் பிரதீப் நகையைத் திருடியிருக்கலாமென அவர் சந்தேகிக்க ஆரம்பித்தார்.