கசாப்புக் கடை வைத்திருப்பவர் கூட அவ்வளவு கொலை செய்திருக்க மாட்டார்கள்.
இடி அமீன், முழுப்பெயர் இடி அமின் தாதா ஓமி, ஆகஸ்ட் 16, 2003 இல் இறந்தார், ஜித்தா, சவுதி அரேபியா உலகின் அதிபயங்கர கொடுங்கோலர்களில் ஒருவர். 1971 முதல் 1979 வரை உகாண்டாவை ஆட்சி செய்தார். இவர் பிறந்த ஆண்டு சரியாகத் தெரியவில்லை.
1924 அல்லது 1925 இல் பிறந்திருக்கலாம் என்று கருதப்படுகிறது. மே 18, 1928 இல் பிறந்திருக்கலாம் என்ற கருத்தும் உண்டு. இவரது ஆட்சிபற்றிய விபரங்கள் பல பயங்கரமானவை ஆகும்.
உகாண்டாவின் இராணுவ அதிகாரி மற்றும் ஜனாதிபதியாக இருந்த காலம் உகாண்டாவின் இருண்ட காலம் 1971- லிருந்து 1979 வரை அவர் ஆட்சியில் கொடூரம் மட்டுமே நிகழ்ந்தது.
வடமேற்கு உகாண்டாவின் சிறிய காக்வா இனக்குழுவின் உறுப்பினரான அமீன் சரியாகப் படிக்கவில்லை. 1946 இல் பிரிட்டிஷ் காலனித்துவ இராணுவத்தின் கிங்ஸ் ஆப்பிரிக்க ரைபிள்ஸில் உதவி சமையல்காரராகச் சேர்ந்தார். சமையல் காரர் என்ற நிலையிலிருந்து மிக வேகமாக உயர் நிலையை அடைந்தார். பிரிட்டிஷ் ராணுவத்தில் சேர்ந்தார். அதில் பதவி உயர்வு பெற்றார். மேலும் அவர் புதிய நாட்டின் பிரதமர் மற்றும் ஜனாதிபதியுடன் நெருக்கமானார். தன்னுடைய சூழ்ச்சியினால் விரைவிலேயே ராணுவம் மற்றும் விமானப்படையின் தலைவரானார். 1976-ல் வாழ்நாள் உகாண்டா ஜனாதிபதியானார்.
நான் தான் எல்லாமே. நானு வெச்சதுதான் சட்டம். இதற்குப் பிறகு இவர் அதிகாரத் தூதுக் குழுவைத் தவிர்த்துவிட்டு அமீன் நேரடியாக ஆட்சி செய்தார். பதவி கையில், பணம் பையில், கேட்கவா வேண்டும் ? ஒரே ஆட்டம் போட்டார். எல்லோரையும் தூசு போல நினைத்தார். நல்ல ஆட்சி செய்யவில்லை. ஒரே கொடுங்கோலாட்சி தான் நடத்தினார். தீவிரமான தேசியவாதியாக இருந்தார்.
1972-ல் உகாண்டாவிலிருந்த அனைத்து ஆசியர்களையும் வெளியேற்றினார், இது உகாண்டாவின் பொருளாதாரத்தின் வீழ்ச்சிக்கு வழிவகுத்தது, மேலும் அவர் கிரேட் பிரிட்டன் மற்றும் அமெரிக்கா மற்றும் பல உலகத் தலைவர்களைப் பகிரங்கமாக அவமதித்தார்.
உலகின் பல நாடுகளிடம் இணக்கமாக இல்லாமல், பகையானார். ஜூலை 1976 இல், அவர் தனிப்பட்ட முறையில் பிரெஞ்சு விமானத்தைக் கடத்தினார்.
அச்சோலி, லாங்கோ மற்றும் பிற இனக்குழுக்களைத் துன்புறுத்துமாறு கட்டளையிட்டு பயங்கரவாத்ததை ஏற்படுத்தினார். உகாண்டாவின் கசாப்புக்காரன்” என்று மக்கள் இவரை அழைத்தனர். அவர் ஜனாதிபதியாக இருந்தபோது சுமார் 300,000 பேர் கொல்லப்பட்டனர் மற்றும் எண்ணற்ற மற்றவர்கள் சித்திரவதை செய்யப்பட்டனர்.
அக்டோபர் 1978 இல், தான்சானியா மீது தாக்குதல் நடத்த அமீன் உத்தரவிட்டார். உகாண்டா தேசியவாதிகளின் உதவியுடன், தான்சானிய துருப்புக்கள் இறுதியில் உகாண்டா இராணுவத்தை வென்றன. ஏப்ரல் 11, 1979 அன்று தான்சானியா தலைமையிலான படைகள் உகாண்டாவின் தலைநகரான கம்பாலாவை நெருங்கியபோது, அமீன் நாட்டை விட்டு வெளியேறினார். இறுதியாகச் சவுதி அரேபியாவில் குடியேறினார் .2003-ல் சௌதி அரேபியாவில் இறந்தார்.
நல்லவர்களையும் நினைவு கொள்ளும் உலகம் தீயவர்களையும் நினைவு கொள்வது காலத்தின் கட்டாயம்….