தல அஜித் ‘விடாமுயற்சி’ படத்தில் படப்பிடிப்பில்… பிரபல நடிகையிடம் மன்னிப்பு கேட்ட வீடியோ தற்போது வைரலாகி வருகிறது.
இயக்குனர் மகிழ் திருமேனி இயக்கத்தில் அஜித் தற்போது நடித்து வரும் திரைப்படம் ‘விடாமுயற்சி’. இந்தப் படத்தின் முதல் கட்ட படப்பிடிப்பு சுமார் 30 நாட்கள் அஜர்பைஜான் நாட்டில் எடுத்து முடிக்கப் பட்ட நிலையில், கடந்த இரண்டு வாரங்களுக்கு முன்பு, அஜித் உள்ளிட்ட படக்குழுவினர் மீண்டும் இரண்டாம் கட்ட படப்பிடிப்புக்காக அஜர்பைஜான் சென்றனர். அங்குச் சுமார் 70 நாட்கள் படப்பிடிப்பு நடைபெற உள்ளதாகத் தகவல் வெளியானது.
லேட்டாக வந்ததற்காக மன்னிப்பு கேட்ட அஜித்குமார்#AjithKumar |#vidaamuyarchi |#Bhavana pic.twitter.com/qYx3D6ltsy
— Tamil Diary (@TamildiaryIn) December 25, 2023
மிகவும் பரபரப்பாக எடுக்கப்பட்டுவரும் இரண்டாம் கட்ட படப்பிடிப்பில், அஜித்துடன் நடிகர் ஆரவ், அர்ஜுன், ரெஜினா கசன்ரா உள்ளிட்ட பலர் கலந்து கொண்டு நடித்து வருகின்றனர். இந்தப் படத்தில் அஜித்துக்கு ஜோடியாக நடிகை த்ரிஷா நடித்து வருகிறார். மேலும் இப்படத்தில் சுமார் 13 ஆண்டுகளுக்குப் பின்னர், பிரபல மலையாள நடிகை பாவ்னாவும் நடித்து வருகிறார்.
இவர் அஜித்துக்கு ஜோடியாகக் கடந்த 2010 ஆம் ஆண்டு வெளியான ‘அசல்’ படத்தில் நாயகியாக நடித்திருந்த நிலையில்… அதன் பின்னர் பல வருடங்களுக்குப் பின்னர் ‘விடாமுயற்சி’ படத்தில் இணைந்துள்ளார். ஷூட்டிங்கிற்கு அஜித் சற்று தாமதமாக வந்த நிலையில்… அதற்காக அஜித் பாவ்னாவிடம் மன்னிப்பு கேட்கிறார். இதுகுறித்த வீடியோ தற்போது வெளியாகி வைரலாகி வருகிறது.
