“ஒப்பந்தத்தில் கையெழுத்திடுங்கள்… இல்லையேல் விளைவு மோசம்…!” – ஈரானை மிரட்டும் டிரம்ப்…!

ஈரான் ஒப்பந்தத்தில் மிக விரைவாகக் கையெழுத்திடுவது அவர்களுக்கு நல்லது என்று அமெரிக்கா அதிபர் டிரம்ப் எச்சரிக்கை விடுத்துள்ளார்.

அமெரிக்காவில் உள்ள நியூயார்க்கில் அதிபர் டொனால்ட் டிரம்ப் செய்தியாளர்களை சந்தித்து பேசினார். அப்போது, ஈரான் இன்று நம்முடன் விளையாடிப் பார்த்தார்கள்.

அதனால், தங்களது 3 போர் கப்பல்களைக் கொண்டு சில பெரிய இலக்குகள் மீது தாக்குதல் நடத்தியதாகத் தெரிவித்தார். இந்தத் தாக்குதலில் பல சிறிய படகுகளையும் வீழ்த்தியதாகக் கூறினார். ஒருவேளை போர்நிறுத்தம் ஏற்படவில்லை என்றால், நீங்கள் அதைத் தெரிந்துகொள்ள வேண்டிய அவசியமே இருக்காது.

ஏனென்றால், ஈரானிலிருந்து ஒரு மிகப் பெரிய நெருப்புப் பிழம்பு வெளியேறுவதை நீங்கள் காண்பீர்கள் என்று கூறினார். அவர்கள் ஒப்பந்தத்தில் மிக விரைவாகக் கையெழுத்திடுவது அவர்களுக்கு நல்லது என்று எச்சரிக்கை விடுத்தார்.