இன்று நடைபெறும் மற்றொரு லீக் ஆட்டத்தில் உ.பி.யோத்தாஸ் – அரியானா ஸ்டீலர்ஸ் அணிகள் மோத உள்ளன.
ஐதராபாத்:11-வது புரோ கபடி லீக் போட்டி ஐதராபாத்தில் நடந்து வருகிறது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களைப் பிடிக்கும் அணிகள் ‘பிளே-ஆப்’ சுற்றுக்குத் தகுதி பெறும்.
இந்நிலையில், இந்தத் தொடரில் இன்று 2 லீக் ஆட்டங்கள் நடைபெறுகின்றன. அதில் இரவு 8 மணிக்குத் தொடங்கும் முதல் ஆட்டத்தில் தமிழ் தலைவாஸ் – குஜராத் ஜெயண்ட்ஸ் அணிகள் மோத உள்ளன. தொடர்ந்து இரவு 9 மணிக்குத் தொடங்கும் 2வது ஆட்டத்தில் உ.பி.யோத்தாஸ் – அரியானா ஸ்டீலர்ஸ் அணிகள் மோத உள்ளன.
இந்தத் தொடரில் இதுவரை நடந்துள்ள லீக் ஆட்டங்களின் முடிவில் புள்ளிப்பட்டியலில் உ.பி.யோத்தாஸ் 2வது இடத்திலும், தமிழ் தலைவாஸ் 3வது இடத்திலும், அரியானா ஸ்டீலர்ஸ் 8வது இடத்திலும், குஜராத் ஜெயண்ட்ஸ் 10வது இடத்திலும் உள்ளன.
