காலநிலை மாற்றத்திற்கு உலக அளவில் நடவடிக்கை எடுக்க வேண்டும் என நேபாளப் பிரதமர் பாலேந்திர ஷா வலியுறுத்தியுள்ளார்.
நேபாளத்தில் திடீர் வெள்ளப் பெருக்கினால் உயிரிழந்தோர் எண்ணிக்கை 962 ஆக உயர்ந்துள்ளது, கிட்டத்தட்ட 4,000 பேரைக் காணவில்லை என்று கூறப்படுகிறது. இது தொடர்பாக நேபாளப் பிரதமர் பாலேந்திர ஷா செய்தியாளர்களிடம் பேசினார். அப்போது, இமயமலைப் பகுதியில் ஏற்பட்ட பெருவெள்ளம் ஒரு சாதாரணப் பேரிடர் இல்லை என்றும், தற்போது ஏற்பட்டுள்ள பேரழிவுக்கு உலக அளவில் நடவடிக்கை தேவை என்றும் தெரிவித்தார்.
காலநிலை மாற்றம் உலகெங்கிலும் உள்ள பனியாறுகள் உருகுவதை வேகப்படுத்துவதாகவும், இதுபோன்ற பேரழிவுகளின் அபாயத்தை அதிகரிப்பதாகவும் விஞ்ஞானிகள் எச்சரித்துள்ளதாகக் கூறினார். புவி வெப்பநிலை உயர்வால் இமயமலைப் பகுதி வேகமாக வெப்பமடைந்து வருவதாகவும் நாம் எதிர்கொள்ளும் அபாயங்களும் அதிகரித்து வருவதாகவும் சுட்டிக்காட்டினார். அப்பகுதியில் இருப்பவர்கள் தொடர்ந்து விழிப்புடன் இருக்க வேண்டும் என்றும் காலநிலை மாற்றத்திற்கு நடவடிக்கை எடுக்க வேண்டும் என்றும் வலியுறுத்தினார்.
