ஜப்பானின் அய்ச்சி மாகாணத்தில் உள்ள நகோயா நகரில் நடைபெற்ற 20-வது ஆசிய விளையாட்டுப் போட்டியில், இந்தியா 10-வது தங்கப் பதக்கத்தை வென்று, பதக்கப் பட்டியலில் 7-வது இடத்திற்கு முன்னேற்றியுள்ளது.
ஜப்பானின் அய்ச்சி மாகாணத்தில் உள்ள நகோயா நகரில், 20-வது ஆசிய விளையாட்டுப் போட்டிகள் விறுவிறுப்பாக நடைபெற்று வருகின்றன. இதில் இந்திய வீரர், வீராங்கனைகள் பல்வேறு விளையாட்டுகளில் சிறப்பான திறமையை வெளிப்படுத்தி தொடர்ந்து பதக்கங்களை வென்று வருகின்றனர்.
இதில் காம்பவுண்ட் வில்வித்தையின் ஆண்கள் அணிப் பிரிவின் இறுதிப்போட்டியில், இந்திய அணி சீனாவை எதிர்கொண்டது. பரபரப்பாக நடைபெற்ற போட்டியில், இந்திய அணி 238-237 என்ற புள்ளிக் கணக்கில், ஒரே ஒரு புள்ளி வித்தியாசத்தில் சீனாவை வீழ்த்தி தங்கப் பதக்கத்தை கைப்பற்றியது.
இந்திய அணியில் இடம்பெற்ற சாஹில், கணேஷ் மற்றும் குஷால் ஆகியோர் சிறப்பாக செயல்பட்டு அணியின் வெற்றிக்கு முக்கிய பங்காற்றினர். இதன் மூலம் இன்று நடந்த காம்பவுண்ட் வில்வித்தையில் மூன்று பிரிவுகளிலும் தங்கப் பதக்கங்களை இந்தியா கைப்பற்றியுள்ளது.
இதன் மூலம், 2026-ஆம் ஆண்டு ஆசிய விளையாட்டுப் போட்டிகளின், பதக்கப் பட்டியலில், இந்தியா 7-வது இடத்திற்கு கம்பீரமாக முன்னேறியுள்ளது. 10 தங்கம், 21 வெள்ளி மற்றும் 28 வெண்கலம் என மொத்தம் 59 பதக்கங்களை இந்தியா இதுவரை வென்றுள்ளது.