ஸ்ரீஹரிகோட்டாவில் இருந்து எல்.வி.எம். எம்5 ராக்கெட் இன்று விண்ணில் ஏவப்பட உள்ளது.
ஆந்திர மாநிலம், ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தில் உள்ள இரண்டாவது ஏவுதளத்தில், எல்.வி.எம். – எம்5 ராக்கெட் இன்று மாலை விண்ணில் பாய்கிறது.
இதில், 4 ஆயிரத்து 410 கிலோ எடை கொண்ட சி.எம்.எஸ் -03 என்ற கடற்படைக்கு தேவையான தகவல் தொடர்புகளை வழங்கும் தகவல்தொடர்பு செயற்கைக்கோள் பொருத்தப்பட்டுள்ளது.
தொடர்ந்து, ராக்கெட்டுக்கானப் எரிபொருள் நிரப்பும் பணி நிறைவடைந்த நிலையில், செயற்கைக்கோளை திட்டமிட்ட இலக்கில் கொண்டு சேர்ப்பதற்கான 24 மணி நேர கவுண்ட்டவுன் நேற்று தொடங்கியது.
பின்னர், ராக்கெட் மற்றும் செயற்கைக்கோளின் செயல்பாடுகளை இஸ்ரோ விஞ்ஞானிகள் தீவிரமாக கண்காணித்து வருகின்றனர்.
இதையடுத்து, 24 மணிநேர கவுண்ட்டவுனை முடித்துக் கொண்டு இன்று மாலை ராக்கெட் விண்ணில் பாய்கிறது என்று இஸ்ரோ விஞ்ஞானிகள் தெரிவித்தனர்.
