சென்னையில் கனமழை பெய்து வருகிறது. இதனால் பல்வேறு பகுதியில் மழைநீர் தேங்கி உள்ளது. பல்வேறு முன்னெச்சரிக்கை நடவடிக்கைகளை அரசு எடுத்து வருகிறது.
இதனிடையே ஃபெஞ்சல் புயல் காரணமாகப் பொதுமக்களின் இயல்பு வாழ்க்கை பாதிக்கப்பட்டுள்ளது.
* சென்னையில் கனமழை பெய்து வரும்நிலையில் புறநகர் ரெயில் சேவை குறைக்கப்பட்டுள்ளது.
* ஃபெஞ்சல் புயல் எதிரொலியாகச் சென்னை விமான நிலையம் தற்காலிகமாக மூடப்பட்டுள்ளது. கனமழை பெய்வதால் ஓடுபாதை முழுவதிலும் தண்ணீர் தேங்கி விமானத்தை இயக்குவதில் சிக்கல் ஏற்பட்டுள்ளதாகத் தெரிவிக்கப்பட்டுள்ளது
* புயல் காரணமாகச் சென்னை மற்றும் புறநகர் பகுதிகளில் உள்ள அனைத்து நகைகடைகளுக்கும் இன்று விடுமுறை அளிக்கப்பட்டுள்ளதாக மெட்ரோஸ் நகை மற்றும் வைர வியாபாரிகள் சங்கம் தெரிவித்துள்ளது.
* கனமழை காரணமாகச் சென்னையில் உள்ள திரையரங்குகள் இன்று ஒருநாள் மூடப்படுகின்றன. சில இடங்களில் தண்ணீர் தேங்கி இருப்பதாலும் கூட்டம் குறைவாக இருப்பதாலும் தியேட்டர்கள் மூடப்படுவதாக அறிவிக்கப்பட்டுள்ளது.
