ஜெயிலர் படத்திற்கு பின் தமன்னா தனது சம்பளத்தை 30% உயர்த்தி உள்ளதாகக் கூறப்படுகிறது.
தமிழ், தெலுங்கு, ஹிந்தி ஆகிய மொழிகளில் முன்னணி நடிகையாக வலம் வருபவர் நடிகை தமன்னா இதுவரை 75-க்கும் மேற்பட்ட படங்களில் நடித்துள்ளார்.
2005-ம் ஆண்டு சந்த் சா ரோஷன் சேரா என்ற படத்தின் மூலம் பாலிவுட்டில் அறிமுகமானார். பின்னர் அதே ஆண்டு ஸ்ரீ என்ற படத்தின் மூலம் தெலுங்கு திரையுலகிலும் கால்பதித்தார். 2006-ம் ஆண்டு கேடி படத்தின் மூலம் தமிழ் திரையுலகில் எண்ட்ரி கொடுத்தார்.
எனினும் இந்தப் படங்களில் பெரிதாக அங்கீகாரம் கிடைக்காத நிலையில், கல்லூரி படத்தில் நடித்திருந்த தமன்னாவின் நடிப்புக்கு விமர்சன ரீதியில் நல்ல வரவேற்பு கிடைத்தது. நடிக்கத் தொடங்கிய குறுகிய காலத்திலேயே தெலுங்கு, தமிழில் தமன்னாவுக்கு வாய்ப்புகள் குவிந்தது.
அயன், பையா, சுறா, ஸ்கெட்ச், வீரம் உள்ளிட்ட பல வெற்றி படங்களில் நடித்தார். தமிழில் ஜெயிலர் படத்தில் தமன்னா நடித்திருந்தார். மேலும் அப்படத்தில் இடம்பெற்ற காவாலா பாடல்மூலம் உலகளவில் ட்ரெண்ட் ஆனார் .
சமீபத்தில் வெளியான சுந்தர் சியின் அரண்மனை படத்தில் தமன்னா முக்கிய வேடத்தில் நடித்திருந்தார். இந்தப் படத்திற்கு ரசிகர்கள் மத்தியில் பாசிட்டிவான விமர்சனங்கள் கிடைத்து வருகிறது. எனவே இந்தப் படம் பாக்ஸ் ஆபிசிலும் ரூ.70 கோடிக்கும் மேல் வசூல் செய்து சாதனை படைத்துள்ளது.
இந்த நிலையில் ஜெயிலர் படத்திற்கு பின் தமன்னா தனது சம்பளத்தை 30% உயர்த்தி உள்ளதாகக் கூறப்படுகிறது. அரண்மனை படத்திற்காகத் தமன்னா ரூ.4-5 கோடி சம்பளம் பெற்றதாகக் கூறப்படுகிறது. ஜெயிலர் படத்திற்கு அவர் ரூ. 3 கோடி சம்பளம் வாங்கியதாகக் கூறப்படுகிறது. எனவே, 3 கோடியுடன் ஒப்பிடுகையில், தமன்னா தனது சம்பளத்தை 33.33% உயர்த்தி உள்ளார். ஆனால் அவரின் சம்பளம் 5 கோடியாக இருந்தால், அது 66.66% அதிகமாகும். எனினும் இதுபற்றி அதிகாரப்பூர்வ தகவல் எதுவும் வெளியாகவில்லை.
இதற்கிடையில், அரண்மனை 4 படத்தின் வசூல் பற்றிப் பேசுகையில், படம் 13 நாட்களில் இந்திய பாக்ஸ் ஆபிஸில் 47.90 கோடிகளைக் குவித்துள்ளது. உலகளவில், இது 70.77 கோடி வசூல் செய்துள்ளது., இது தனுஷின் கேப்டன் மில்லரின் உலகளாவிய வாழ்நாள் வசூலை விட அதிகமாகும்.
கேப்டன் மில்லர் படத்தின் லைஃப்டைம் வசூல் 67.99 கோடி ஆகும். அரண்மனை 4 படம் விரைவில், உலகளவில் 76.41 கோடி வசூல் செய்த சிவகார்த்திகேயனின் அயலான் படத்தின் லைஃப்டைம் வசூலையும் முறியடிக்கும் என்று எதிர்பார்க்கப்படுகிறது.