Mutton Liver Gravy: இப்போ மழைக் காலம் என்பதால் அனைவருக்கும் உடல் குளிர்ச்சியாக இருப்பதால் சளி தொல்லை , தொண்டை கரகரப்பு இருக்கும். இவை அனைத்தும் நீங்குவதற்கு ஆட்டு ஈரல் குழம்பு சிறந்த மருந்து.
ஆட்டு ஈரல் குழம்பு செய்யலாம் வாருங்கள்..
தேவையான பொருட்கள்;
ஆட்டு ஈரல் — 1/2 கிலோ
எண்ணெய் – 5 டீஸ்பூன்
கடுகு விதைகள் – 1 தேக்கரண்டி
பெருஞ்சீரகம் விதைகள் – 1 தேக்கரண்டி
வெங்காயம் – 1
தக்காளி-1
இஞ்சி பூண்டு விழுது – 1 டீஸ்பூன்
மஞ்சள் தூள் – 1 டீஸ்பூன்
மிளகாய் தூள் – 1 டீஸ்பூன்
கொத்தமல்லி தூள் – 2 டீஸ்பூன்
உப்பு
தண்ணீர்
மசாலா பேஸ்ட்;
வெங்காயம்-1
தக்காளி 1
இஞ்சி பூண்டு விழுது – 1 டீஸ்பூன்
கறிவேப்பிலை
கொத்துமல்லி தழை
பச்சை மிளகாய் – 2
சீரகம் – 1 டீஸ்பூன்
மிளகு – 1 டீஸ்பூன்
தேங்காய் – 1/4 கப்
தண்ணீர்
செய்முறை;
வெங்காயம்,தக்காளி, இஞ்சி பூண்டு விழுது,கறிவேப்பிலை,கொத்துமல்லி தழை,பச்சை மிளகாய், சீரகம்,மிளகு,தேங்காய் என மேலே குறிப்பிட்டுள்ள பொருட்களை மிருதுவான பேஸ்டாக அரைக்கவும். பின்னர் கடாயில் எண்ணெய் ஊற்றி கடுகு, பெருஞ்சீரகம், இலைகள் சேர்க்கவும்.
துண்டு துண்டாக நறுக்கிய வெங்காயம், தக்காளி, இஞ்சி பூண்டு விழுது சேர்த்து நன்கு வதக்கவும். மஞ்சள் தூள், மிளகாய் தூள் சேர்த்து எண்ணெய் பிரியும் வரை வதக்கவும்.
இப்போது சுத்தம் செய்த ஈரல் சேர்த்து சில நிமிடங்கள் வேக வைத்து சமைக்கவும். பின் அரைத்த விழுதை சேர்த்து 10 நிமிடம் கழித்து இறக்கினால் குழம்பு தயார்.
