தமிழில் ‘இது என்ன மாயம்’ படத்தின் மூலம் அறிமுகமான கீர்த்தி சுரேஷ் ‘நடிகையர் திலகம்’ படத்திற்காகத் தேசிய விருது பெற்றார்.
தமிழ், தெலுங்கில் பிசியாக இருந்த கீர்த்தி சுரேஷ் இந்தி மொழி படங்களிலும் நடித்து வருகிறார்.
இப்படி பிசியாக வலம் வந்த கீர்த்தி சுரேஷ் 15 ஆண்டுகளாகக் காதலித்து வந்த கேரளாவை பூர்வீகமாகக் கொண்ட துபாயை சேர்ந்த தொழிலதிபர் ஆண்டனி தட்டில் என்பவரைத் திருமணம் செய்து கொண்டார்.
இதனைத் தொடர்ந்து நடைபெற்ற விழாக்களில் கழுத்தில் தாலியுடன் வலம் வந்தார்.
இந்நிலையில் தற்போது கீர்த்தி சுரேஷ் நெட்பிளிக்ஸ் தளத்திற்காக எடுக்கப்பட்ட வெப் தொடரில் கதாநாயகியாக நடித்துள்ளார்.
கீர்த்தி சுரேஷ் மற்றும் ராதிகா ஆப்தே நடித்துள்ள இந்தத் தொடருக்கு ‘அக்கா’ எனப் பெயரிடப்பட்டுள்ளது.
இந்த வெப் தொடரைத் தர்மராஜ் எழுதி இயக்கியுள்ளார்.
இத்தொடரின் டீசர் வெளியாகி ரசிகர்களிடையே பெரும் வரவேற்பை பெற்றுள்ளது.
நெட்பிளிக்ஸ் தளத்தில் வெளியான இந்த ‘அக்கா’ டீசரில் கீர்த்தி சுரேஷ் வித்தியாசமான கதாபாத்திரத்தில் நடித்துள்ளார்.
