‘ஓ மை கடவுளே’ படத்தை இயக்கிய அஸ்வத் மாரிமுத்து அடுத்ததாக ‘டிராகன்’ திரைப்படத்தை இயக்கியுள்ளார். இப்படத்தில் பிரதீப் ரங்கநாதன் கதாநாயகனாக நடித்துள்ளார்.
இந்தப் படத்தை ஏ.ஜி.எஸ். நிறுவனம் தயாரித்துள்ளது. இந்தப் படத்திற்கு லியோன் ஜேம்ஸ் இசையமைத்துள்ளார்.
இப்படத்தில் அனுபமா பரமேஸ்வரன், கயடு லோஹர், விஜே சித்து, ஹர்ஷத் மற்றும் பிரபல இயக்குநர்களான மிஷ்கின், கவுதம் வாசுதேவ் மேனன், மரியம் ஜார்ஜ், சித்ரா ஆகியோர் முக்கிய கதாபாத்திரத்தில் நடித்துள்ளனர்.
‘டிராகன்’ திரைப்படம் அடுத்த மாதம் 21-ந்தேதி திரையரங்குகளில் வெளியாக உள்ளது.
இப்படத்தில் இடம்பெற்றுள்ள ரைஸ் ஆஃப் தி டிராகன் மற்றும் வழித்துணையே பாடல்கள் வெளியாகி மக்களிடையே வரவேற்பை நிலையில், நேற்று நடிகர் சிலம்பரசன் பாடிய ‘ஏன் டி விட்டுப் போன’ என்ற பாடலின் ப்ரோமோ வெளியானது.
ப்ரோமோவில் படத்தின் இயக்குனர் அஸ்வத் மாரிமுத்து, இசையமைப்பாளர் லியோன் ஜேம்ஸ் உடன் சிலம்பரசன் ஜாலியாகப் பாடல்குறித்து உரையாடுகிறார். சிலம்பரசன் பாடிய இந்தப் பாடல் நாளை வெளியாகும் எனப் படக்குழு அறிவித்துள்ளது.
இதனிடையே, ‘ஏன்டி விட்டுப் போன’ பாடலின் ப்ரோமோவில் தோன்றியதற்கு நடிகர் சிம்புவுக்கு ‘டிராகன்’ படத்தின் கதாநாயகன் பிரதீப் ரங்கநாதன் நன்றி தெரிவித்துள்ளார். இதுதொடர்பாகப் பிரதீப் எக்ஸ் தளத்தில் வெளியிட்டுள்ள பதிவில்,
வேற ஒருத்தரோட படத்துக்கு ப்ரொமேஷன் பன்றதால உங்களுக்கு என்ன கிடைக்கப்போகுது? என்ன கிடைக்கும்னு யோசிக்காம, என்ன குடுக்கலாம்னு யோசிக்கறவன் மாஸ்… நீங்க மாஸ் சார். தங்க மனசு… பாடலைப் பாடியதற்கு நன்றி… எனப் பதிவிட்டுள்ளார்.
