Cauvery Water Issue: தமிழ் நடிகர் சங்கம்!

இந்நிலையில் சில தினங்களுக்கு முன், பெங்களூவில் நடந்த சித்தா படத்தின் செய்தியாளர் சந்திப்பில் கன்னட அமைப்புகள், அவ்விழாவுக்கு எதிர்ப்புத் தெரிவித்து சித்தார்த்தை அங்கிருந்து வெளியேற்றினர். இதற்குக் கன்னட நடிகர்களான சிவராஜ் குமார் மற்றும் பிரகாஷ்ராஜ் ஆகிய இருவரும் ஒட்டுமொத்த கன்னட அமைப்புகளும் அவ்வாறு இல்லையெனச் சித்தார்த்திடம் மன்னிப்புக்கேட்டனர். இதுதொடர்பாகச் சென்னையில் இயங்கி வரும் தென்னிந்திய நடிகர் சங்கத்தைச் சார்ந்த ஒருவர் கூடக் கண்டனம் தெரிவிக்கவில்லை.

சித்தார்த்துக்கு ஆதரவாக எந்தவொரு முன்னணி தமிழ் நடிகரும் பேசவில்லை. ஆனால், கர்நாடகாவில் கன்னட திரையுலகைச் சார்ந்த பலரும் காவிரி நீரை தமிழ்நாட்டிற்குத் தரமாட்டோம் எனக்கூறி, போராட்டத்தில் ஈடுபட்டனர்.

இந்நிலையில் தமிழ்த்திரையுலகைச் சார்ந்த அமைப்பினரால், காவிரி நீரைப் பெற்றுத்தரக்கோரி எந்தவொரு உரிமைப்போராட்டமும் நடக்கவில்லை. இதற்குக் காரணம், தமிழ் சினிமாக்களில் பல, இப்போது கன்னட சினிமாவில் டப் செய்யப்பட்டு, வெளியிடப்படுவதால், அதன்மூலம் கிடைக்கும் வருவாய் நின்றுபோகும் என முன்னணி தமிழ் நடிகர்களும் தயாரிப்பாளர்களும் அமைதி காத்து வருகின்றனர். அதேபோல், தமிழ்நாடு அரசு சார்பிலும், தமிழக – கர்நாடக எல்லையில் தமிழகப் பேருந்துகள் தாக்கப்படுவது குறித்து எந்தவொரு அறிக்கையினையும் தமிழ்நாடு அரசு விடவில்லை என்பது குறிப்பிடத்தக்கது.