Ayudha Puja Special Buses: ஆயுதபூஜை, விஜய தசமியை முன்னிட்டு பொதுமக்களுக்கு ஏதுவாகத் தமிழகத்தில் 2,265 சிறப்புப் பேருந்துகள் இயக்கப்பட்டுள்ளது.
தமிழகத்தில் பொதுவாகப் பண்டிகை நாட்களில் சென்னையிலிருந்து வெளி ஊர்களுக்குச் செல்லும் பயணிகள் வசதிக்காகத் தற்காலிக பேருந்து நிலையங்கள் அமைக்கப்படுகின்றன. கூட்ட நெரிசலை தவிர்க்க இந்த ஏற்பாடுகள் செய்யப்படுகின்றன. திங்கள் மற்றும் செவ்வாய் பண்டிகை நாட்கள் என்பதால் சனிகிழமை முதலே பயணிகள் தங்கள் சொந்த ஊர்களுக்குச் செல்வர். 4 நாட்கள் தொடர் விடுமுறை வருவதால் பலரும் ஊர்களுக்குச் செல்லப் படையெடுத்துள்ளனர். அக்டோபர் 23 ஆம் தேதி (திங்கட்கிழமை) ஆயுதபூஜையை முன்னிட்டு பயணிகளின் வசதிக்காக அக்டோபர் 20 ஆம் தேதி முதல் 22 ஆம் தேதிவரை 2,265 சிறப்புப் பேருந்துகளை அரசுப் போக்குவரத்துக் கழகம் இயக்குகிறது.
தற்போதுள்ள 2,100 பேருந்துகள் தவிர, சென்னையிலிருந்து 2,265 சிறப்புப் பேருந்துகள் அக்டோபர் 20 முதல் 22 வரை இயக்கப்படும் என்று தமிழக போக்குவரத்துத் துறை அமைச்சர் எஸ்.எஸ்.சிவசங்கர் தெரிவித்துள்ளார். மற்ற நகரங்களிலிருந்து மற்ற இடங்களுக்குச் செல்ல மொத்தம் 1,700 பேருந்துகள் இயக்கப்படும். தாம்பரம் மெப்ஸ், பூந்தமல்லி, கோயம்பேடு உள்ளிட்ட மூன்று டெர்மினிகளிலிருந்து பேருந்துகள் இயக்கப்படும். திண்டிவனம் வழியாகத் திருவண்ணாமலை செல்லும் பேருந்துகள் MEPZ பேருந்து நிலையத்திலிருந்து இயக்கப்படும். போளூர், வந்தவாசி, செஞ்சிக்கு இயக்கப்படும் பேருந்துகளும் அந்தப் பகுதியில் இருந்துதான் இயக்கப்படும். திண்டிவனம் வழியாகப் பண்ருட்டி, திருநெல்வேலி, சிதம்பரம், வடலூர், புதுச்சேரி, கடலூர் மற்றும் சிதம்பரம் செல்லும் மற்ற பேருந்துகளும் மெப்ஸில் இருந்து புறப்படும்.
பூந்தமல்லி டெர்மினஸ் வேலூர், ஆர்ணி, ஆற்காடு, திருப்பத்தூர், காஞ்சிபுரம், ஓசூர், திருத்தணி மற்றும் திருப்பதிக்கு பேருந்துகளை இயக்கப் பயன்படுகிறது. மேற்குறிப்பிட்ட நகரங்களைத் தவிர, மயிலாடுதுறை, தஞ்சாவூர், கும்பகோணம், திருவாரூர், நாகப்பட்டினம், மதுரை, செங்கோட்டை, தூத்துக்குடி, திருச்செந்தூர், கன்னியாகுமரி, விழுப்புரம், கள்ளக்குறிச்சி, சேலம், கோவை, பெங்களூரு, திருவனந்தபுரம் மற்றும் குரிவாயூர் உள்ளிட்ட இடங்களுக்குப் பேருந்துகள் கோயம்பேட்டிலிருந்து இயக்கப்படும். விடுமுறை தினம் என்பதால் தனியார் பேருந்துகள் டிக்கெட் விலையைப் பல மடங்கு உயர்த்தி உள்ளன. 700 முதல் 1000 ரூபாய் வரை இருந்த டிக்கெட் விலை தற்போது 2000 முதல் 2500 வரை விற்கப்படுகிறது. இதனால் பயணிகள் முகுந்த சிரமத்திற்கு உள்ளாகி உள்ளனர்.
