விழுப்புரம்: தினமும் பல்வேறு புதிய முறைகளில் சைபர் குற்றங்கள் நிகழ்ந்து கொண்டிருக்கும் நிலையில், விழுப்புரத்தில் ஒரு அரசுப் பெண் ஊழியரிடம் பணம் கறக்க முயற்சி செய்யப்பட்டுள்ளது. அந்தப் பெண் ஊழியரின் செல்போனுக்கு வந்த வாட்ஸ் அப் அழைப்பில், ஒரு இளைஞர் ஆடைகளைக் களைந்து நிர்வாணமாக நின்றுள்ளார். இதனால் அதிர்ச்சியடைந்த அந்தப் பெண் போலீசில் புகார் அளித்துள்ளார். போலீசார் இதற்கான விசாரணையை மேற்கொண்டு வருகின்றனர். இணையதளம் மூலம் சைபர் குற்றங்கள் சமீபத்தில் அதிகரித்து வருகிறது. பணமோசடி, தெரியாத எண்ணைத் தொடர்பு கொண்டு ஆபாசமாகப் பேசுதல் போன்ற பல்வேறு முறைகேடுகள் நடைபெற்று வருகின்றன. சைபர் கிரைம் போலீசார் இத்தகைய மோசடிகளைக் கண்டுபிடித்து நடவடிக்கை எடுத்தாலும், முழுமையாகக் கட்டுப்படுத்த முடியவில்லை.
வாட்ஸ்-அப் காலில் நிர்வாணமாக வந்த நபர்:
தினசரி பல்வேறு புதிய முறைகளில் சைபர் குற்றங்கள் அதிகரித்து வருகின்றன. சில நேரங்களில், தெரியாத எண்களிலிருந்து வரும் அழைப்புகள் அதிர்ச்சியான நிகழ்வுகளை உருவாக்குகின்றன. இவ்வாறு ஒரு சம்பவம் விழுப்புரத்தில் ஒரு அரசுப் பெண் ஊழியருக்கு ஏற்பட்டுள்ளது. இந்த அதிர்ச்சி தரும் சம்பவத்தைப் பற்றி விவரிக்கிறோம்.
விழுப்புரம் மாவட்டத்தைச் சேர்ந்த 32 வயது பெண் ஒருவர் அரசு ஊழியராக உள்ளார். திருமணம் ஆன இவர் ஞாயிற்றுக்கிழமை விடுமுறை என்பதால் தனது குடும்பத்தினருடன் நேரத்தைச் செலவிட்டுக் கொண்டிருந்தார். அப்போது, அவரது வாட்ஸ் அப்பிற்கு ஒரு வீடியோ கால் வந்தது. புதிய எண்ணாக இருந்ததால், அவர் அழைப்பைத் துண்டித்துவிட்டார். இதற்குப் பிறகு, மீண்டும் அதே எண்ணிலிருந்து அழைப்பு வந்தது. இதனால், அவர் அதிர்ச்சியில் உள்ளார்.
சைபர் குற்றவியல் போலீசாரின் விசாரணை:
போலீசார் வாட்ஸ் அப்வீடியோ அழைப்பு எண்ணை ஆராய்ந்து, அதில் உள்ள எண்ணை அடிப்படையாகக் கொண்டு விசாரித்தனர். இந்த விசாரணையில், மகாராஷ்டிரா மாநிலத்தில் பதிவு செய்யப்பட்ட எண்ணிலிருந்து வாட்ஸ் அப் அழைப்பு வந்தது என்பதைக் கண்டறியப்பட்டது. வாட்ஸ் அப்டிபியில் ஒரு இந்தி நடிகையின் புகைப்படம் காணப்பட்டது. இது மோசடியான அழைப்பு என்பதால், குற்றவாளியைக் கண்டுபிடிக்கச் சைபர் குற்றவியல் போலீசாருக்கு உரிய நடவடிக்கைகள் மேற்கொள்ளப் பரிந்துரைக்கப்பட்டது.
அழைப்பு வந்தால் எவ்வாறு செயல்பட வேண்டும்:
பெண்களின் எண்ணில் நிர்வாணமாகத் தோன்றி, அதை வீடியோ பதிவு செய்து மிரட்டிப் பணம் பறிக்கும் சம்பவங்கள் சமீபத்தில் அதிகரித்து வருவதாகவும், இதனால் முன் பின் தெரியாத எண்களிலிருந்து வீடியோ அழைப்பு வந்தால் மிகவும் கவனமாகவும் விழிப்புணர்வாகவும் இருக்க வேண்டும் என்று போலீசார் அறிவுறுத்தியுள்ளனர்.
