பழங்காலப் பொருட்கள் இந்தியாவிடம் ஒப்படைப்பு – அமெரிக்கா அறிவிப்பு!

ஜெர்மனியில் அவர் கைது செய்யப்பட்டதைத் தொடர்ந்து, கபூர் இந்த விவகாரத்தில் குற்றச்சாட்டுகளை எதிர்கொள்ள இந்தியாவுக்கு அனுப்பப்பட்டார். 2012 இல் டிஏ அலுவலகம் அவரைக் கைது செய்தது. கபூர் 2022 இல் பழங்காலப் பொருட்களைக் கடத்திய குற்றம் சாட்டில் இந்தியாவில் சிறையில் இருக்கிறார். அவரை நாடு கடத்துவது இன்னும் நிலுவையில் உள்ளது’ என்று குறிப்பிடப்பட்டது.

நியூயார்க்கில் உள்ள இந்திய துணைத் தூதரகத்தில் புதன்கிழமை நடைபெற்ற விழாவில், கொள்ளையடிக்கப்பட்ட கலைப்பொருட்கள் முறையாக இந்தியாவிடம் ஒப்படைக்கப்பட்டதாக அமெரிக்க தரப்பு தெரிவித்துள்ளது.

இந்தியாவும் அமெரிக்காவும், இந்தியாவிலிருந்து அமெரிக்காவிற்கு பழங்கால பொருட்களைச் சட்டவிரோதமாகக் கடத்துவதை தடுக்கவும், கட்டுப்படுத்தவும் ஜூலை மாதம் முதல் “கலாச்சார சொத்து ஒப்பந்தத்தில்” கையெழுத்திட்டது குறிப்பிடத்தக்கது. இந்திய கலாச்சார அமைச்சகத்தின் செயலாளர் கோவிந்த் மோகன் மற்றும் இந்தியாவுக்கான அமெரிக்க தூதர் எரிக் கார்செட்டி ஆகியோர் இந்த ஒப்பந்தத்தில் கையெழுத்திட்டனர்.

செப்டம்பரில், கடத்தப்பட்ட 297 பழங்காலப் பொருட்களை அமெரிக்கா, இந்தியாவிடம் திருப்பி அளித்தது. இந்தக் கலைப்பொருட்கள் கிமு 2000 முதல் கிபி 1900 வரை கிட்டத்தட்ட 4000 ஆண்டுகள் வரையிலான காலப்பகுதியைச் சேர்ந்தவை மற்றும் இந்தியாவின் பல்வேறு பகுதிகளைச் சேர்ந்தவை ஆகும் என்று வெளியுறவு அமைச்சகத்தின் செய்திக்குறிப்பில் தெரிவிக்கப்பட்டுள்ளது.

2016 ஆம் ஆண்டு முதல் அமெரிக்காவிலிருந்து இந்தியாவிற்கு திரும்பிய கலாச்சார கலைப்பொருட்களின் மொத்த எண்ணிக்கை 578 ஆக உள்ளது என்று அந்த அறிக்கையில் கூறப்பட்டுள்ளது. இந்தியாவிற்கு ஒரு நாடு திருப்பி அனுப்பிய அதிகபட்ச கலாச்சார கலைப்பொருட்கள் எண்ணிக்கை இதுதான் என்று அந்த அறிக்கையில் கூறப்பட்டுள்ளது.