மணிப்பூரில் பாதுகாப்புப் படையினர் நடத்திய துப்பாக்கிச் சூட்டில் 11-க்கும் மேற்பட்ட தீவிரவாதிகள் கொல்லப்பட்டதாக அறிவிக்கப்பட்டுள்ளது. போலீஸ் நிலையத்தைச் சிலர் தாக்க முற்பட்ட போதே இந்தச் சம்பவம் இடம்பெற்றுள்ளது. இந்தத் தாக்குதலில் ராணுவ வீரர் ஒருவர் காயமடைந்துள்ளதாகவும் தகவல்கள் தெரிவிக்கின்றன.
மணிப்பூரில் கடந்த ஆண்டு முதல் ஆங்காங்கே வன்முறைகள் நடந்து வருகின்றன. பெரும்பான்மையான மெய்தே சமூகத்தினருக்கும், பழங்குடியின குக்கி இனத்தவருக்கும் இடையே தொடர்ந்த வன்முறையைத் தொடர்ந்து, சிறப்புப் பொருளாதாரப் பலன்கள் மற்றும் அரசு வேலைகள் மற்றும் கல்வியில் குக்கிகள் அனுபவிக்கும் இட ஒதுக்கீட்டை மைதேயிகளுக்கு நீட்டிப்பது குறித்து பரிசீலிக்குமாறு நீதிமன்றம் மாநில அரசுக்கு உத்தரவிட்டது.
மே 2023 இல் சண்டை தொடங்கியதிலிருந்து குறைந்தது 250 பேர் கொல்லப்பட்டுள்ளனர் மற்றும் சுமார் 60,000 பேர் இடம்பெயர்ந்துள்ளனர். மாநிலத்தின் ஜிரிபாம் மாவட்டத்தின் துணை ஆணையர் கிருஷ்ண குமார் கூறுகையில், இன்று மதியம் ஒரு காவல் நிலையம்மீது மர்ம நபர்கள் தாக்குதல் நடத்தியுள்ளனர். மத்திய பாதுகாப்புப் படையினர் நடத்திய பதிலடி தாக்குதலில் 11 தீவிரவாதிகள் கொல்லப்பட்டனர்.
கடந்த வாரம் 31 வயது பழங்குடியினப் பெண் எரித்துக் கொல்லப்பட்டதால், அப்பகுதியில் பதற்றம் நிலவுகிறது என்றார். இந்தத் தாக்குதலில் ஒரு பாதுகாப்பு அதிகாரி பலத்த காயம் அடைந்ததாகப் பெயர் வெளியிடாத உள்ளூர் போலீஸ் அதிகாரி ஒருவர் தெரிவித்தார்.
முன்னதாக, மணிப்பூர் காவல்துறை இயக்குநர் ஜெனரல் (டிஜிபி) ராஜீவ் சிங், மாநிலத்தில் அமைதி மற்றும் இயல்பு நிலை திரும்ப வேண்டும் என்று விரும்புவதாகக் கூறினார். இது மிகவும் சவாலான தருணம் என்றும், அதைச் சமாளிக்க அனைத்து முயற்சிகளையும் மேற்கொண்டு வருவதாகவும் அவர் கூறினார். மணிப்பூர் காவல்துறையின் 133-வது நிறுவன தினத்தில் பங்கேற்ற பிறகு செய்தியாளர்களிடம் பேசிய டிஜிபி ராஜீவ் சிங், இது மிகவும் சவாலான நேரம், ஆனால் பாதுகாப்பு அமைப்புகள் உட்பட அனைவரின் முழு பலத்துடனும் ஒத்துழைப்புடனும் இதை எதிர்கொள்ள முயற்சிக்கிறோம் என்றார்.
சில பிரச்சனைகள் உள்ளன, அவை விரைவில் தீர்க்கப்படும் என்று அவர் மேலும் கூறினார், ஏனெனில் மாநிலத்தில் விரைவில் அமைதி மற்றும் இயல்புநிலை திரும்ப வேண்டும். கடந்த ஒன்றரை வருடமாகப் பார்த்தால், நிலைமை நிச்சயம் மேம்பட்டிருக்கிறது. வன்முறை சம்பவங்கள், உயிரிழப்புகள் மற்றும் காயங்கள் குறைந்துள்ளன. ஆங்காங்கே தீ வைப்பு மற்றும் துப்பாக்கிச் சூடு சம்பவங்கள் நடந்துள்ளன, ஆனால் அனைத்து பாதுகாப்புப் படையினரும் விழிப்புடன் இருப்பதாகவும், நிலைமை மோசமடையாமல் இருக்க அனைவரும் உழைத்து வருவதாகவும் அவர் கூறினார்.
அக்டோபர் 15 அன்று, குகி-ஜோ-ஹமர், மெய்தே மற்றும் நாகா சமூகங்களைப் பிரதிநிதித்துவப்படுத்தும் மாநில சட்டமன்றத்தின் தேர்ந்தெடுக்கப்பட்ட உறுப்பினர்கள் குழு மாநிலத்தில் தற்போதைய நிலைமையை விவாதித்து, வன்முறையிலிருந்து விலகி இருக்குமாறு மாநில மக்களுக்கு வேண்டுகோள் விடுத்தது குறிப்பிடத்தக்கது.
இந்தக் கலவரம் ஏன் என்பது பற்றிப் பார்ப்போம்..
மலைகள் நிறைந்த வடகிழக்கு மாநிலமான மணிப்பூர், வங்கதேசத்திற்கு கிழக்கே அமைந்துள்ளது. அதன் மக்கள்தொகை 33 லட்சம் என மதிப்பிடப்பட்டுள்ளது.
அதில் பாதிக்கும் மேற்பட்டவர்கள் மெய்தேய் சமூகத்தைச் சேர்ந்தவர்கள். சிறுபான்மை பழங்குடி சமூகங்களான குகி, நாகா ஆகிய சமூகங்களைச் சேர்ந்த மக்கள் 43% வாழ்கின்றனர்.
மெய்தேய் சமூகத்தினருக்கு அதிகாரப்பூர்வ பழங்குடி அந்தஸ்து வழங்கப்பட வேண்டும் என்ற கோரிக்கைக்குக் குகி இன மக்கள் எதிர்ப்பு தெரிவித்தனர். அதைத் தொடர்ந்து மணிப்பூரில் பதற்றம் ஏற்பட்டது.
இந்த அந்தஸ்து வழங்கப்பட்டால், அரசாங்கத்தில் அந்தச் சமூகத்திற்கு ஏற்கெனவே இருக்கும் செல்வாக்கு மேலும் வலுப்படும் என்று குகி மக்கள் வாதிட்டனர்.
ஆனால், இந்தக் கலவரத்திற்கான அடிப்படையாக எண்ணற்ற காரணங்கள் உள்ளன. மெய்தேய் தலைமையிலான அரசாங்கம் போதைப்பொருட்களுக்கு எதிரான போர் எனக் கூறி மேற்கொள்ளும் நடவடிக்கைகள், தங்கள் சமூகத்தை வேரோடு பிடுங்குவதற்கான ஒரு திரைமறைவுச் செயலே என்று குகி மக்கள் குற்றம் சாட்டுகிறார்கள்.
மியான்மரிலிருந்து வருவோரின் சட்டவிரோத குடியேற்றம் பதற்றத்தை அதிகரித்துள்ளது. அதிகமாகி வரும் மக்கள்தொகையால் நிலப் பயன்பாட்டின்மீது அழுத்தம் ஏற்பட்டுள்ளது. வேலையின்மை இளைஞர்களைப் பல்வேறு போராளிக் குழுக்களை நோக்கித் தள்ளியுள்ளது.
மெய்தேய், குகி, நாகா ஆகிய சமூகங்களின் போராளிகள், பல தசாப்தங்களாக முரண்பட்ட ‘தாய்நாடு கோரிக்கைகள்’, மத வேறுபாடுகள் தொடர்பாக ஒருவருக்கொருவர் சண்டையிட்டு வருகின்றனர்.
மேலும் அனைத்து தரப்பினரும் இந்தியாவின் பாதுகாப்புப் படைகளுடனும் மோதி வருகின்றனர். இது ஒருபுறம் இருந்தாலும், தற்போது வெடித்துள்ள கலவரம் கிட்டத்தட்ட முற்றிலும் மெய்தேய் மற்றும் குகி மக்களுக்கு இடையிலானதாக உள்ளது.
“இப்போது நடக்கும் இந்த மோதல் முற்றிலுமாக இனரீதியான மோதலாக வேரூன்றியுள்ளது. மெய்தேய் மக்கள், மணிப்பூர், மியான்மர் மற்றும் அதைச் சுற்றியுள்ள பகுதிகளைப் பூர்வீகமாகக் கொண்டுள்ளார்கள்.
பெரும்பான்மையானவர்கள் இந்துக்கள் என்றாலும் சிலர் சனமாஹி(Sanamahi) மதத்தைப் பின்பற்றுகிறார்கள்.
குகி சமூக மக்கள், பெரும்பாலும் கிறிஸ்தவர்கள். இவர்கள் இந்தியாவின் வடகிழக்குப் பகுதி முழுவதும் பரவி வாழ்கின்றனர். மணிப்பூரில் உள்ளவர்களில் பலர் தங்கள் பூர்வீகத்தை மியான்மர் வரை கொண்டுள்ளனர்.
மெய்தேய் மக்கள் பெரும்பாலும் இம்பால் பள்ளத்தாக்கில் வாழ்கின்றனர். குகி மக்கள் அதைச் சுற்றியுள்ள மலைகளிலும் அதற்கு அப்பாலும் வாழ்கின்றனர்.
பிரதமர் நரேந்திர மோதியின் பாரதிய ஜனதா கட்சிதான் மணிப்பூரில் ஆளும் கட்சியாக உள்ளது. மெய்தேய் சமூகத்தைச் சேர்ந்த என்.பிரேன் சிங் தலைமையிலான அரசு அங்கு ஆட்சி செய்கிறது.
மொத்த மக்கள்தொகையில் 53% இருக்கும் மெய்தேய் சமூகம், சட்டப்பேரவையின் 60 இடங்களில் 40 இடங்களை வைத்துள்ளது.
ஹெராயின் வர்த்தகத்திற்காகக் கசகசா பயிரிடுவதற்கு எதிரான பிரேன் சிங்கின் சமீபத்திய நடவடிக்கைகள் குகி மக்களின் பகுதிகளைக் குறி வைத்து நடப்பதாகக் குகி சமூகத்தினர் குற்றம் சாட்டுகின்றனர்.
குகி கிளர்ச்சிக் குழுக்கள் சமூக மக்களைத் தூண்டிவிடுவதாக அவரது அரசுக் குற்றம் சாட்டியது. என்று தணியும் இந்தப் போராட்டம் பாஜக அரசு எடுக்கும் நடவடிக்கை என்ன>பிரதமர் நரேந்திர மோதியின் பாரதிய ஜனதா கட்சிதான் மணிப்பூரில் ஆளும் கட்சியாக உள்ளது. மெய்தேய் சமூகத்தைச் சேர்ந்த என்.பிரேன் சிங் தலைமையிலான அரசு அங்கு ஆட்சி செய்கிறது.
மொத்த மக்கள்தொகையில் 53% இருக்கும் மெய்தேய் சமூகம், சட்டப்பேரவையின் 60 இடங்களில் 40 இடங்களை வைத்துள்ளது.
ஹெராயின் வர்த்தகத்திற்காகக் கசகசா பயிரிடுவதற்கு எதிரான பிரேன் சிங்கின் சமீபத்திய நடவடிக்கைகள் குகி மக்களின் பகுதிகளைக் குறி வைத்து நடப்பதாகக் குகி சமூகத்தினர் குற்றம் சாட்டுகின்றனர்.
குகி கிளர்ச்சிக் குழுக்கள் சமூக மக்களைத் தூண்டிவிடுவதாக அவரது அரசுக் குற்றம் சாட்டியது.? பாஜக அரசு என்ன செய்யப்போகிறது பார்ப்போம்…
 | ReplyForward |
