Advertisements
ரோம்:
கத்தோலிக்க கிறிஸ்தவர்களின் தலைவரான போப் பிரான்சிஸ் (வயது 88), முதுமை காரணமாகப் பல்வேறு உடல்நலப் பிரச்சனைகளை எதிர்கொண்டு வருகிறார். இதனால் பெரும்பாலும் சக்கர நாற்காலியைப் பயன்படுத்தி வருகிறார்.
கடந்த மாதம் 7-ந்தேதி தனது படுக்கை அறையில் தவறி விழுந்ததில் அவரது கன்னத்தில் லேசான காயம் ஏற்பட்டது.
இந்தநிலையில் நேற்று வழக்கமான பணிகளில் ஈடுபட்டிருந்தபோது தவறி விழுந்தார். இதில் அவரது கையில் காயம் ஏற்பட்டது.
கையில் எலும்பு முறிவு எதுவும் ஏற்படவில்லை என்றும், எனினும் முன்னெச்சரிக்கை நடவடிக்கையாகக் காயம் ஏற்பட்ட பகுதியில் கட்டு போடப்பட்டு இருப்பதாகவும் வாடிகன் செய்தி தொடர்பாளர் தெரிவித்தார்.
1½ மாதங்களில் 2-வது முறையாகப் போப் ஆண்டவர் தவறி விழுந்து காயமடைந்திருப்பது கத்தோலிக்க கிறிஸ்தவர்களிடையே வருத்தத்தை ஏற்படுத்தி உள்ளது.
Advertisements
