மேற்கிந்தியத் தீவுகள் கிரிக்கெட் அணியின் ஜாம்பவான் சர் கார்பீல்ட் சோபர்ஸ் தனது 89 ஆவது வயதில் காலமானார்.
மேற்கிந்தியத் தீவுகள் கிரிக்கெட் அணியின் ஜாம்பவான் சர் கார்பீல்ட் சோபர்ஸ் காலமானார். 1968-இல் நடைபெற்ற முதல் தர கிரிக்கெட் போட்டியின் ஒரே ஓவரில் 6 சிக்ஸர்கள் விளாசிய சோபர்ஸ்க்கு, சர்வதேச கிரிக்கெட் வீரர்கள் இரங்கல் தெரிவித்து வருகின்றனர். ஜாம்பவான் டொனால்ட் பிராட்மேன், சோபர்ஸ்-ஐ மிகச்சிறந்த கிரிக்கெட்டர் என வர்ணித்துள்ளார்.
1954 முதல் 1974 வரையிலான காலகட்டத்தில் வெஸ்ட் இண்டீஸ் அணிக்காக 93 டெஸ்ட் போட்டிகளில் விளையாடிய சோபர்ஸ் 8 ஆயிரத்து 32 ரன்களையும், 235 விக்கெட்டுகளையும் வீழ்த்தினார். மேலும், 1965 முதல் 1972 வரை வெஸ்ட் இண்டீஸ் அணியின் கேப்டனாகவும் செயல்பட்ட அவர், 39 டெஸ்ட் போட்டிகளில் 9 வெற்றிகளையும் 10 தோல்விகளையும் பதிவு செய்தார்.
ஆண்கள் கிரிக்கெட்டில் ஐசிசி வழங்கும் மிக உயரிய வருடாந்திர விருதான ‘சர் கார்பீல்ட் சோபர்ஸ் விருது’ இவரது பெயரிலேயே வழங்கப்படுகிறது..
