லார்ட்ஸ் டெஸ்ட் கிரிக்கெட் போட்டியில் இங்கிலாந்து அணியை 270 ரன்கள் வித்தியாசத்தில் வீழ்த்தி இந்திய மகளிர் அணி அபார வெற்றி பெற்று வரலாற்று சாதனை படைத்துள்ளது.
இங்கிலாந்தின் லார்ட்ஸ் மைதானத்தில் இந்தியா – இங்கிலாந்து மகளிர் அணிகளுக்கு இடையேயான டெஸ்ட் கிரிக்கெட் போட்டி நடைபெற்றது. போட்டியில், இங்கிலாந்து அணி டாஸ் வென்று முதலில் பந்துவீச்சைத் தேர்வு செய்தது. இதன்படி, முதலில் பேட்டிங் செய்து இந்திய அணி முதல் இன்னிங்சில் 285 ரன்களில் ஆல் அவுட் ஆனது. இதில், மிகவும் சிறப்பாக விளையாடிய ஸ்மிரிதி மந்தனா 83 ரன்களும், ஹர்மன்பிரீத் கவுர் 58 ரன்களும், தீப்தி ஷர்மா 57 ரன்களும் எடுத்தனர்.
இதையடுத்து, இங்கிலாந்து அணி முதல் இன்னிங்சில் 170 ரன்களில் ஆல் அவுட் ஆனது. எமி ஜோன்ஸ் அதிகபட்சமாக 52 ரன்கள் சேர்த்தார். இந்திய வீராங்கனை கிராந்தி கார்டு 5 விக்கெட்களை வீழ்த்தி அசத்தினார். 225 ரன்கள் முன்னிலையுடன் 2ஆவது இன்னிங்சை தொடங்கிய இந்திய அணி 7 விக்கெட்கள் இழப்பிற்கு 341 ரன்கள் குவித்த நிலையில், கேப்டன் டிக்ளர் கொடுத்தார். இதில், ஸ்மிரிதி மந்தனா 70 ரன்களும், யாஸ்திகா பாட்டியா 113 ரன்களும் ரிச்சா கோஷ் 50 ரன்களும் எடுத்தனர்.
இதையடுத்து, 457 ரன்கள் எடுத்தால் வெற்றி என்ற இமாலய இலக்குடன் களமிறங்கிய இங்கிலாந்து அணி 2ஆவது இன்னிங்சில் 186 ரன்களில் ஆல் அவுட் ஆனது. இதன்மூலம், இந்திய அணி 270 ரன்கள் வித்தியாசத்தில் அபார வெற்றி பெற்று வரலாற்று சாதனை படைத்தது.