A. Anwhar Raajhaa | Edappadi K. Palaniswami | Rejoin
அதிமுக பொதுச்செயலாளர் எடப்பாடி பழனிசாமி முன்னிலையில் அக்கட்சியில் மீண்டும் இணைந்தார் அன்வர் ராஜா…
சென்னை : அதிமுக பொதுச்செயலாளர் எடப்பாடி பழனிசாமியை சந்தித்து அவரது முன்னிலையில் முன்னாள் எம்.பி. அன்வர் ராஜா இன்று மீண்டும் அதிமுகவில் இணைந்தார். 2021ம் ஆண்டு அன்வர் ராஜா கட்சியிலிருந்து நீக்கப்பட்ட நிலையில், 2 ஆண்டுகள் கழித்து மீண்டும் அதிமுகவில் இணைந்துள்ளார். அதன் பின்னர் அன்வர் ராஜா செய்தியாளர்கள் சந்திப்பில் கூறியதாவது:- ஓராண்டுக்கு முன்னர் நீக்கப்பட்டேன். இப்போது மீண்டும் இணைந்துள்ளேன். சிறிய சறுக்கலிலிருந்து மீண்டு வந்து, அதிமுகவில் இணைந்துள்ளேன். கட்சியின் கொள்கைகளுக்கு உடன்பட்டு தொடர்ந்து பணியாற்றுவேன்.
A. Anwhar Raajhaa | Edappadi K. Palaniswami | Rejoin | AIADMK
கட்சியிலிருந்து நீக்கப்பட்டதில் எனக்கு வருத்தமில்லை. கட்சியிலிருந்து விலகி இருந்தாலும் கட்சியினர் நிகழ்ச்சிகளில் தொடர்ந்து பங்கேற்று வந்தேன், என்னை யாரும் தடுக்கவில்லை; கட்சியின் அனைவருடனும் தொடர்பில் தான் இருந்தேன். இந்தியாவில் காங்கிரஸை தவிர மற்ற அனைத்து கட்சிகளும் பாஜகவுடன் கூட்டணி வைத்துள்ளன. எனக்குக் கட்சியில் எந்த முக்கியத்துவமும் தேவையில்லை. மக்களவை தேர்தலில் போட்டியிடுவது குறித்து கட்சி முடிவு செய்யும் இவ்வாறு அவர் கூறினார்.