தமிழகத்தில் ஆட்சி மாற்றம் ஏற்பட்டிருந்தாலும், முந்தைய அரசால் தொடங்கப்பட்ட மக்கள் நலத்திட்டங்கள் எவ்விதத் தடையுமின்றித் தொடர்வது பொதுமக்கள் மத்தியில் பெரும் வரவேற்பைப் பெற்றுள்ளது.
கடந்த 2021-ஆம் ஆண்டு சட்டசபை தேர்தலின் போது அறிவிக்கப்பட்டு, 2023 செப்டம்பர் முதல் நடைமுறையில் உள்ள மகளிர் உரிமைத் தொகைத் திட்டம், தற்போது அமைந்துள்ள முதலமைச்சர் சி. ஜோசப் விஜய் தலைமையிலான புதிய தவெக அரசிலும் செம்மையாகச் செயல்படுத்தப்பட்டு வருகிறது.
அதன்படி, 1 கோடியே 31 லட்சம் தகுதியுள்ள பெண் பயனாளிகளுக்கு மே மாதத்திற்கான உரிமைத் தொகை தலா ₹1,000 இன்று காலை அவர்களின் வங்கி கணக்குகளில் நேரடியாக வரவு வைக்கப்பட்டது. நேற்று இது குறித்து முதலமைச்சர் விஜய் அளித்திருந்த உறுதியின்படி இத்தொகை விடுவிக்கப்பட்டுள்ளது.
இதுமட்டுமன்றி, உயர்கல்வி பயிலும் மாணவ-மாணவியரின் நலன் கருதி செயல்படுத்தப்பட்டு வரும் புதுமைப்பெண் மற்றும் தமிழ்ப் புதல்வன் திட்டங்களின் கீழ் தலா ₹1,000 உதவித்தொகையையும் தவெக அரசு நேற்று வழங்கியது.
அரசின் இத்தகைய தொடர்ச்சியான மக்கள் நல நடவடிக்கைகள், புதிய ஆட்சியின் மீதான நம்பிக்கையை மக்களிடையே மேலும் அதிகரித்துள்ளது.
