நீட் தேர்வும் நீதியும் ஒரே நேரத்தில் இருக்க முடியாது என்று திமுக தலைவர் மு.க. ஸ்டாலின் தெரிவித்துள்ளார்.
திமுக தலைவர் மு.க. ஸ்டாலின் தனது சமூக வலைத்தளப் பக்கத்தில் பதிவு ஒன்றை வெளியிட்டுள்ளார். அதில், நீட் தேர்வுக்கு எதிராகத் தன்னால் அனைத்து மாநிலங்களுக்கும் பேச முடியாது, ஆனால் தமிழ்நாடு சார்பில் நிச்சயமாகப் பேச முடியும் என்று தெரிவித்துள்ளார். தமிழ்நாட்டில் பாஜகவைத் தவிர அனைத்து அரசியல் கட்சிகளும் நீட் தேர்வை எதிர்ப்பதாகத் தெரிவித்துள்ளார்.
நீட் தேர்விலிருந்து விலக்கு அளிக்கக் கோரி தமிழ்நாடு சட்டமன்றம் பலமுறை தீர்மானங்களையும் சட்ட மசோதாக்களையும் நிறைவேற்றியுள்ளதாகக் குறிப்பிட்டுள்ளார். நியாயப்படுத்த முடியாத ஒன்றை நியாயப்படுத்துவதை நிறுத்துங்கள், நீட் தேர்வை ரத்து செய்ய வேண்டும் என்பதை என்றென்றைக்கும் நிறைவேற்றுங்கள் என்று தெரிவித்துள்ளார்.
