விஜய் சேதுபதி தொகுத்து வழங்கப் பிக் பாஸ் 8 நிகழ்ச்சி பிரமாண்டமாகக் கடந்த சில வாரங்களுக்கு முன் துவங்கியது. 18 போட்டியாளர்கள் பிக் பாஸ் வீட்டிற்குள் சென்ற நிலையில், முதல் வாரத்தின் இறுதியில் ரவீந்தர் வீட்டை விட்டு வெளியேறினார்.
இதன்பின் அர்னவ் எலிமினேட் ஆனார். ஆண்கள் 9 பேர், பெண்கள் 9 பேர் எனத் துவங்கிய பிக் பாஸ் 8, தற்போது பெண்கள் 9 பேர் மற்றும் ஆண்கள் 7 பேருடன் நடைபெற்று வருகிறது. இந்த நிலையில், பிக் பாஸ் வீட்டிற்குள் கண்டிப்பாக வைல்டு கார்டு என்ட்ரி இருக்கும் என ரசிகர்களால் எதிர்பார்க்கப்பட்டு வருகிறது.
இவ்வளவு ஏன் பிக் பாஸ் வீட்டிற்குள் உள்ள போட்டியாளர்களே வைல்டு கார்டு என்ட்ரி குறித்து பேசத் துவங்கிவிட்டனர். இப்படியிருக்க இந்த வாரம் அல்லது அடுத்த வாரத்தில் வைல்டு கார்டு போட்டியாளர்களின் என்ட்ரியை எதிர்பார்க்கலாமா என ரசிகர்கள் சமூக வலைத்தளத்தில் கேள்வி எழுப்பி வருகிறார்கள்.
5 போட்டியாளர்கள் வைல்டு கார்டு என்ட்ரியில் பிக் பாஸ் வீட்டிற்குள் வருவார்கள் எனக் கூறப்படும் நிலையில், அதில் ஒருவராக ஸ்வாகதா என்பவர் வரலாமெனக் கூறப்படுகிறது. ஸ்வாகதா பின்னணி பாடகி ஆவார்.
மேலும் கடந்த பிக் பாஸ் 7ல் போட்டியாளராகக் கலந்துகொண்ட நடிகை மாயாவை அனைவருக்கும் நினைவு இருக்கும். அவருடைய அக்கா தான் இந்த ஸ்வாகதா. இவர் பிக் பாஸ் 8ல் வைல்டு கார்டு என்ட்ரியில் வருவாரெனச் சொல்லப்படுகிறது. ஆனால், இது எந்த அளவிற்கு உண்மை என்று தெரியவில்லை என்பது குறிப்பிடத்தக்கது.