தி ஹண்ட்ரட் கிரிக்கெட் – மான்செஸ்டர் சூப்பர் ஜெயண்ட்ஸ் அணி சாம்பியன் பட்டம்!

இங்கிலாந்தில் தி ஹண்ட்ரட் கிரிக்கெட் ஆண்கள் தொடரின் இறுதிப் போட்டி நடைபெற்றது. இந்தப் போட்டியில், மான்செஸ்டர் சூப்பர் ஜெயண்ட்ஸ் – டிரெண்ட் ராக்கெட்ஸ் அணிகள் மோதின. இப்போட்டியில் டாஸ் வென்ற மான்செஸ்டர் சூப்பர் ஜெயண்ட்ஸ் அணி பந்துவீச்சைத் தேர்வு செய்தது.

அதன்படி, முதலில் பேட்டிங் செய்த டிரெண்ட் ராக்கெட்ஸ் அணி 100 பந்துகளில் 8 விக்கெட்டுகளை இழந்து 158 ரன்கள் எடுத்தது. இதையடுத்து 159 ரன்கள் எடுத்தால் வெற்றி என்ற இலக்குடன் களமிறங்கிய மான்செஸ்டர் சூப்பர் ஜெயண்ட்ஸ் அணி 98 பந்துகளில் 5 விக்கெட்டுகள் இழந்து 162 ரன்கள் எடுத்தது. இதில், மிகவும் சிறப்பாக விளையாடிய டிம் சீபர்ட்  72 ரன்கள் எடுத்து அசத்தினார்.

இதன்மூலம் மான்செஸ்டர் சூப்பர் ஜெயண்ட்ஸ் அணி 5 விக்கெட்டுகள் வித்தியாசத்தில் வெற்றி பெற்று தி ஹண்ட்ரட் ஆண்கள் தொடரின் சாம்பியன் பட்டத்தை கைப்பற்றியது.