இயக்குநர் நிதேஷ் திவாரி இயக்கத்தில், பாலிவுட்டின் முன்னணி நட்சத்திரங்கள் ஒன்றிணைந்துள்ள மிகவும் எதிர்பார்க்கப்பட்ட பிரம்மாண்டப் பான்-இந்தியா திரைப்படம் ‘ராமாயணா’.
இப்படத்தில் ஸ்ரீ ராமராக ரன்பீர் கபூர், இராவணனாக நடிகர் யஷ், அன்னை சீதையாக சாய் பல்லவி மற்றும் அனுமன் கதாபாத்திரத்தில் சன்னி தியோல் ஆகியோர் முக்கியக் கதாபாத்திரங்களில் நடிக்கின்றனர்.
இந்திய சினிமா வரலாற்றின் மிகச் செலவுமிக்க மற்றும் பிரம்மாண்டமான படைப்பாக உருவாகியுள்ள இப்படம், வரும் நவம்பர் 5-ஆம் தேதி திரைக்கு வரவுள்ளது. படம் வெளியாக இன்னும் சில தினங்கள் உள்ள நிலையில், தற்போதே திரையரங்குகளில் இதற்கான முன்பதிவு மிகத் தீவிரமாக நடைபெற்று வருகிறது.
படத்தின் மீதான அதீத எதிர்பார்ப்பு காரணமாக, வெளியான சில நாட்களிலேயே இதன் முதல் நாள் முன்பதிவு வசூல் ரூ.8.27 கோடியைக் கடந்து சினிமா வட்டாரங்களை ஆச்சரியத்தில் ஆழ்த்தியுள்ளது.
இந்தி மட்டுமின்றி, தெலுங்கு, கன்னடம் உள்ளிட்ட பல்வேறு மொழிகளிலும் இப்படத்திற்கு அமோக வரவேற்புக் கிடைத்து வருவதால், பாக்ஸ் ஆபிஸில் இப்படம் மிகப்பெரிய வசூல் சாதனையைப் படைக்கும் என்று வர்த்தக நிபுணர்கள் உறுதியாகக் கணித்துள்ளனர்..
