“ஓம்” படத்திற்கு காலை 6 மணி காட்சி – முதல்வர் விஜய்க்கு நன்றி தெரிவித்த தனுஷ்!

இயக்குநர் ராஜ்குமார் பெரியசாமி இயக்கத்தில், தனுஷ் நடிப்பில் உருவாகியுள்ள ‘ஓம்’ திரைப்படம் நாளை திரையரங்குகளில் வெளியாகிறது. இப்படத்தின் காலை 6 மணி சிறப்புக் காட்சிக்கு அனுமதி வழங்கிய தமிழக அரசுக்கும், முதலமைச்சர் விஜய்க்கும் நடிகர் தனுஷ் தனது நன்றியைத் தெரிவித்துள்ளார். இதுகுறித்து தனுஷ் வெளியிட்டுள்ள எக்ஸ் தளப் பதிவில்,

ஒரு திரைப்படத்தின் வெற்றி என்பது பல்வேறு துறைகளைச் சேர்ந்த பலரின் கூட்டு உழைப்பாலும், அர்ப்பணிப்பாலும் உருவாவது. அத்தகைய திரைத்துறையில் இருக்கும் ஒவ்வொருவருக்கும் நீங்கள் கொடுக்கக்கூடிய மிகப்பெரிய ஆதரவு, திரையரங்கிற்குச் சென்று திரைப்படங்களைப் பார்ப்பதும், அதன் மூலம் திரையுலகின் வளர்ச்சிக்குப் பங்களிப்பதும்தான்.

வரும் நவம்பர் 20ஆம் தேதி வெளியாகவிருக்கும் “ஓம்”திரைப்படத்தின் காலை 6 மணி காட்சிக்கு அனுமதி வழங்கிய தமிழக அரசிற்கும், மரியாதைக்குரிய தமிழ்நாடு முதலமைச்சர் திரு. விஜய் அவர்களுக்கும் எனது மனமார்ந்த நன்றிகள்.

காலை 6 மணி காட்சிக்கு வருகை தரும் ரசிகர்கள் அனைவரும் பாதுகாப்புடனும், பொறுப்புடனும், அடுத்தவர்களுக்கு இடையூறு ஏற்படுத்தாமலும் நடந்துகொள்ளுமாறு அன்புடன் கேட்டுக்கொள்கிறேன்.

திரைப்படத்தைப் பார்த்து மகிழ்வதே உண்மையான கொண்டாட்டம்!
அனைவருக்கும் அன்பும், நன்றியும்…..

Leave a Reply

Your email address will not be published. Required fields are marked *