டிசம்பர் 6-ம் தேதி சென்னையில் நடைபெறும் புத்தக வெளியீட்டு விழாவில் “எல்லோருக்குமான தலைவர் அம்பேத்கர்” என்ற புத்தகத்தைத் தவெக தலைவர் விஜய் வெளியிட ஓய்வுபெற்ற நீதிபதி சந்துரு பெற்றுக்கொள்கிறார்.
சென்னையில் நடைபெறும் இந்த விழாவில் அம்பேத்கரின் பேரனும், தீவிர இடது சாரி சிந்தனைகொண்ட சமூக செயற்பாட்டாளருமான ஆனந்த் டெல்டும்டேவும் புத்தக்கத்தை பெற்றுக்கொள்கிறார்.
இந்த விழாவில் விகடன் குழுமத்தின் நிர்வாக இயக்குநர் பா.சீனிவாசன் அவர்கள் வரவேற்புரை வழங்குகிறார். வாய்ஸ் ஆஃப் காமன்ஸ் நிறுவனர் ஆதவ் அர்ஜுனா நூல் உருவாக்கவுரை ஆற்றுகிறார். இறுதியாக ஆனந்த விகடன் ஆசிரியர் முருகன் நன்றியுரை ஆற்றுகிறார்.
விசிகவின் ஆதவ் அர்ஜுனா நிறுவனம் வெளியிடும் இந்தப் புத்தக வெளியீட்டு விழாவில் விசிக தலைவர் திருமாவளவன் முதலில் கலந்து கொள்வதாக இருந்தது. பின்னர் அரசியல் காரணங்களால் இந்த நிகழ்வில் கலந்து கொள்ளமாட்டேன் என்று திருமாவளவன் அறிவித்தார் என்பது குறிப்பிடத்தக்கது.
