அதிமுக அமைப்புச் செயலாளர் அன்வர் ராஜா திமுக தலைமை அலுவலகமான அண்ணா அறிவாலயத்துக்கு சென்று முதல்வர் மு.க.ஸ்டாலின் முன்னிலையில் திமுகவில் இணைந்துள்ளதால் சிறுபான்மையினரின் வாக்குகள் அதிமுக – பாஜக கூட்டணிக்கு குறையும் நிலை ஏற்பட்டுள்ளது. அதிமுக வின் அமைப்புச் செயலாளரும், முன்னாள் நாடாளுமன்ற உறுப்பினர், முன்னாள் தமிழக அமைச்சர் அன்வர் ராஜா திமுகவில் அதன் தலைவர் முதல்வர் மு.க, ஸ்டாலினை சந்தித்து இணைந்துள்ளார். இதற்காக திமுக தலைமை அலுவலகமான அண்ணா அறிவாலயத்துக்கு சென்ற அன்வர் ராஜா அங்கு திமுக முக்கிய நிர்வாகிகளை சந்தித்து பேசினார். பின்னர் திமுக தலைவரும், தமிழக முதல்வருமான மு.க. ஸ்டாலினை சந்தித்து திமுகவில் தன்னை இணைத்துக்கொண்டார்.
அண்மையில் தமிழகத்தில் பாஜக காலூன்ற முடியாது, வளர முடியாது என்று அன்வர் ராஜா அண்மையில் தெரிவித்திருந்தார். இதனால் கட்சி தலைமை அவரை கண்டித்திருக்கலாம் என்றும். கடந்த மக்களவைத் தேர்தலில் அவர் போட்டியிட வாய்ப்பு கேட்ட நிலையில், கட்சி தலைமை அவருக்கு வாய்ப்பு வழங்கவில்லை. இந்த அதிருப்தியினால் அவர் திமுகவில் இணைந்திருக்கலாம் என்கின்றனர் தமிழக அரசியல் நிபுணர்கள். அதிமுக, பாஜகவுடன் கூட்டணி வைத்தாலும், வைக்கவில்லை என்றாலும் சிறுபான்மையினர் வாக்குகள் அதிமுகவுக்கு கிடைக்க வாய்ப்பில்லை. ஏனென்றால் சிறுபான்மையினர் அனைவரும் திமுக கூட்டணிக்கே வாக்களித்து வருகின்றனர்.
அன்வர் ராஜா அரசியலில் இருந்து ஓய்வு பெற்று விடலாமா? என்ன செய்வதென்று தெரியாத குழப்பத்தில் இருந்துவந்த நிலையில் அவர் திமுகவில் இணைத்து இருப்பது அதிமுகவில் அதிருப்தி ஏற்பட்டுள்ளது. அதிமுகவில் இவர் மூத்த தலைவர் என்பதால் அதிமுக, திமுகவை விடுத்து விசிக, நாம் தமிழர் கட்சி தவெகவில் இணைய முடியாத நிலையில்தான் அவர் திமுகவில் இணைந்துள்ளதாக அன்வர் ராஜா ஆதரவாளர்கள் தெரிவித்துள்ளனர். கடந்த 2021-ஆம் ஆண்டு அதிமுகவிலிருந்து அன்வர் ராஜா விலகினார். பின்னர் மீண்டும் அந்தக் கட்சியில் சேர்ந்தார்.
அதிமுகவில் அமைப்புச் செயலாளராகவும், முன்னாள் நாடாளுமன்ற உறுப்பினராகவும், அமைச்சராகவும் அன்வர் ராஜா இருந்துள்ளார். தமிழகத்தில் பாஜகவுக்கு எந்த செல்வாக்கும் இல்லை அதிமுக பாஜகவுடன் சேர்ந்ததால் பெரிய அளவில் வாக்குகள் பெற முடியாது என்ற கருத்தை வெளிப்படையாக தெரிவித்திருந்தார். இதனால், அன்வர் ராஜா திமுகவில் இணைந்துள்ளதாக கூறப்படுகிறது. இந்த நிலையில்,அதிமுகவில் இருந்து அவரை அதிமுக தலைமை நீக்கி உத்தரவிட்டுள்ளது. இதனால், அன்வர் ராஜா அடிப்படை உறுப்பினர் பதவியில் இருந்து அதிமுக பொதுச்செயலாளர் எடப்பாடி பழனிசாமி நீக்கி உத்தரவிட்டார்.
அன்வர் ராஜா திமுகவில் இணைந்த பிறகு அதிமுகவை அழித்து திமுகவுடன் மோத வேண்டும் என்பதே பாஜகவின் நோக்கம் என்று அன்வர் ராஜா தெரிவித்துள்ள கருத்து தமிழக அரசியல் களத்தில் பரபரப்பை ஏற்படுத்தியுள்ளது. பாஜகவின் பிடியில் அதிமுக சிக்கிகொண்டு உள்ளது. இதனால், அதிமுகவை அழித்து திமுகவுடன் மோத வேண்டும் என்ற நோக்கத்தில் பாரதிய ஜனதா கட்சி இருப்பதாக அன்வர் ராஜா கருத்து தெரிவித்துள்ளார். அதிமுகவில் இருந்து விலகி திமுகவில் தன்னை இணைத்துக் கொண்ட பிறகு செய்தியாளர்களிடன் பேசிய அன்வர் ராஜா ஹிந்தி எதிர்ப்பு போராட்டத்தில் இருந்து நான் அரசியலில் இருந்துவருகிறேன். அதிமுக தனது கொள்கையிலிருந்து தடம் புரண்டு பாஜக வின் கையில் சிக்கி கொண்டுஉள்ளது.
அதிமுக – பாஜக கூட்டணி கிடையாது. தேசிய ஜனநாயக கூட்டணி ஆட்சி தான் அமையும். அதில், பாஜகவும் இடம்பெறும் என்று அமித்ஷா தெளிவாக கூறிவிட்டார். மூன்று முறை அமித்ஷா பேட்டி அளித்துள்ளார் அதில், ஒரு இடத்தில் கூட எடப்பாடி பழனிசாமி பெயரை அவர் குறிப்பிடவில்லை என்பதையும் குறிப்பிட்டுள்ளார். தொடர்ந்து பேசிய அன்வர் ராஜா எடப்பாடி பழனிசாமி சுற்றுப்பயணம் மேற்கொண்டு வருகிறார். அதில், நான் தான் முதல்வர் வேட்பாளர் என்று அவரால் உறுதிப்படுத்த முடியவில்லை. எடப்பாடி பழனிசாமி நான் தான் முதல்வர் என்று சொல்லிக் கொண்டிருக்கிறார். மம்தா பானர்ஜியை தோற்கடித்து, அதன் பின்னர் அவர் இடைத் தேர்தலில் போட்டியிட்டு வெற்றி பெற்றார்.
இதேபோல, கர்நாடகா முன்னாள் முதல்வர் தேவ கெளடாவின் மகன் குமாரசாமி , பாஜகவுடன் கூட்டணி வைத்தார். தற்போது, குமாரசாமி எங்கு உள்ளார் என்பது தெரியவில்லை. இதேபோல, உத்தவ் தாக்கரே என்ன ஆனார். அவருடைய ஆட்சி என்ன ஆனது. இவ்வளவு வேலைகளையும் பாஜக செய்துள்ளது. இதனால் பாஜகவுடன் எந்தக் கட்சி கூட்டணி வைத்தாலும் அந்த கட்சியை அளிப்பதே அதனுடைய நோக்கம்.அதிமுகவை அழித்து திமுகவுடன் மோத வேண்டும் . அதிமுகவை அழித்துவிட்டு திமுகவுடன் மோத வேண்டும் என்பதே பாஜகவின் அஜந்தா. ஆட்சியில் பங்கு கொடுப்பதற்கு நாங்கள் ஒன்றும் ஏமாளி அல்ல என்று எடப்பாடி பழனிசாமி தற்போது தான் தெரிவித்துள்ளார் இது என்ன தாக்கத்தை ஏற்படுத்தும் என்று தெரியவில்லை. பாஜகவை பொறுத்தவரை தமிழகத்தில் மக்கள் ஏற்றுக்கொள்ள மாட்டார்கள். தமிழக மக்கள் கட்சியின் தலைவர் மீது நம்பிக்கை வைத்து தான் வாக்களிக்கின்றனர். 2026-இல் மு.க.ஸ்டாலின் தான் முதல்வராக வருவார்.
அதிமுகவை காப்பாற்ற வேண்டும் என்று எவ்வளவோ சொல்லிப் பார்த்தேன். அதை யாரும் கேட்கவில்லை. இதனால் தான் அதிமுகவிலிருந்து விலகி திமுகவில் இணையலாம் என்று முடிவு செய்து. அதன்படியே திமுகவில் இணைந்துள்ளேன். 2021 சட்டமன்ற தேர்தலில் திமுக வெற்றி பெற்று முதல் மு க ஸ்டாலின் மீண்டும் முதல்வராக வருவார். தமிழகத்தில் மு க ஸ்டாலினுக்கு எதிராக எந்த தலைவரும் இல்லை. எடப்பாடி பழனிசாமி விட 15 சதவீதம் அதிகமான வாக்குகள் பெற்று மு க ஸ்டாலின் முதல்வராக வருவார். பாஜகவுக்கு எதிரான கூர்மையான எதிர்ப்பை உருவாக்கியவர் மு க ஸ்டாலின் தான்.
திமுகவில் உள்ள அனைவருமே மன வருத்தத்துடன் உள்ளனர் ஏனென்றால் அதிமுகவை பாஜக அழித்துவிடும் இன்று வரை கூட்டணி என்று சொல்கிறார்களே தவிர இந்த கூட்டணிக்கு தலைவர் எடப்பாடி என்று உள்துறை அமைச்சர் அமித்ஷா சொன்னாரே தவிர முதல்வர் வேட்பாளர் என்று அமித்ஷா கூறவில்லை. பாஜகவுடன் கூட்டணி வைக்க மனம் வரவில்லை முன்னாள் முதல்வர் ஜெயலலிதா பாஜகவுடன் கூட்டணி வைத்த போது நாங்கள் ஏற்றுக் கொண்டோம் ஆனால் தற்போது பாஜகவில் இருக்கும் தலைவர்களுடன் கூட்டணி வைப்பதற்கு மனம் வரவில்லை. பாஜகவை சேர்ந்த ஐந்து பேர் வெற்றி பெற்று அமைச்சராக வந்தாலும் உடனே அந்த அரசை கவனித்து விட்டு பாஜகவை சேர்ந்தவர் முதல்வராக வந்து விடுவார்.
பாஜக மாநில தலைவர் நயினார் நாகேந்திரன் இந்த தேர்தல் எங்களுக்கு முக்கியமில்லை அடுத்த மக்களவைத் தேர்தல் தான் எங்களுக்கு முக்கியம் என்று கூறுகிறார்.தமிழகத்தில் அதிமுக திமுகவை தவிர பிரமாண்டமான கட்சி வேறு எதுவும் இல்லை. எடப்பாடி பழனிசாமியம் 7 முன்னாள் அமைச்சர்கள் சந்தித்து அதிமுக மீண்டும் உயிர்த்தெழ வேண்டும் மீண்டும் வெற்றி பெற வேண்டும் என்றால் சில யுத்திகளை கடைபிடிக்க வேண்டும் என்று கூறினர். மூன்று மணி நேரம் நடைபெற்ற இந்த விவாதத்தில் எடப்பாடி எதற்கும் ஒத்துக்கொள்ளவில்லை என்றார்.