A. Vijayakumar: பாஜகவில் இணைந்தார் அதிமுக முன்னாள் MP விஜயகுமார்!

மக்களவை தேர்தல் உச்சகட்ட பரபரப்பை எட்டி வரும் நிலையில், அரசியல் களத்தில் பல அதிரடி மாற்றங்கள் நடைபெற்று வருகின்றது.

மக்களவைத் தேர்தல் நெருங்கி வரும் இந்த நேரத்தில், பல்வேறு கட்சிகளும் தங்களுடைய தொகுதி பங்கீடு குறித்த மும்முரமான பணிகளில் ஈடுபட்டு வருகின்றனர். இந்தச் சூழ்நிலையில் அதிமுகவின் முன்னாள் எம்பி விஜயகுமார் தற்பொழுது தமிழக பாஜக மாநில தலைவர் அண்ணாமலை முன்னிலையில் பாஜகவில் இணைந்திருக்கிறார்.

முன்னதாக மக்கள் நீதி மய்யம் கட்சியில் இருந்த அனுஷா ரவி, அண்ணாமலையின் முன் பாஜகவில் இணைந்தது குறிப்பிடத்தக்கது. மக்கள் நீதி மய்யம் கட்சி தேர்தலில் போட்டியிடவில்லை என்ற முடிவு தனக்கு அதிருப்தி அளிப்பதாகக் கூறி, அக்கட்சியிலிருந்து விலகிய அனுஷா ரவி தற்பொழுது பாஜகவில் இணைந்திருக்கிறார்.

அதேபோல அகில இந்திய பார்வர்டு பிளாக் கட்சியின் முன்னாள் தலைவர் மூக்கையா தேவரின் மகன் முத்துராமலிங்கம் , அதிமுகவின் முன்னாள் எம்பி விஜயகுமாரும் தற்பொழுது பாஜகவில் இணைந்துள்ளனர்.

சென்னை தி-நகரில் உள்ள பாஜக தலைமை அலுவலகத்தில் தமிழக மாநில பாஜக தலைவர் அண்ணாமலை முன்னிலையில் அவர்கள் இன்று பாஜகவில் இணைந்தது குறிப்பிடத்தக்கது. தொடர்ச்சியாகப் பல கட்சிகளிலிருந்து விலகிய அரசியல் தலைவர்கள் பாஜகவில் இணைந்து வருவது குறிப்பிடத்தக்கது. அண்மையில் சமத்துவ மக்கள் கட்சி தலைவர் சரத்குமார் அவர்கள் பாஜகவில் இணைந்ததோடு மட்டுமல்லாமல் தனது கட்சியைப் பாஜகவுடன் இணைத்தார்.

Leave a Reply

Your email address will not be published. Required fields are marked *