தூத்துக்குடிக்கு வந்துள்ள குடியரசுத் துணைத் தலைவர் இராதாகிருஷ்ணனை ஆளுநர், மாநில அமைச்சர், நாடாளுமன்ற உறுப்பினர் ஆகியோர் வரவேற்றுள்ளனர்.
குடியரசுத் துணைத் தலைவர் இராதாகிருஷ்ணன் தூத்துக்குடி வ.உ.சி. கல்லூரியில் படித்தவர். அந்தக் கல்லூரியில் இன்று நடைபெறும் விழாவில் பங்கேற்க அவர் வந்துள்ளார். தில்லியில் இருந்து விமானத்தில் வந்த அவரைத் தூத்துக்குடி விமான நிலையத்தில் தமிழ்நாடு ஆளுநர் இராஜேந்திர விஸ்வநாத் அர்லேகர் வரவேற்றார். அதேபோலத் தூத்துக்குடி சட்டமன்ற உறுப்பினரும் தமிழக அமைச்சருமான ஸ்ரீநாத் பூக்கூடை கொடுத்து வரவேற்றார். தூத்துக்குடி நாடாளுமன்ற உறுப்பினர் கனிமொழி, பாஜக மாநிலத் தலைவர் நயினார் நாகேந்திரன் ஆகியோரும் குடியரசுத் துணைத் தலைவர் இராதாகிருஷ்ணனை வரவேற்றனர்.
