சென்னை தலைமைச் செயலகத்தில் இன்று செய்தியாளர்களைச் சந்தித்த சபாநாயகர் ஜே.சி.டி.பிரபாகர், கட்சித் தாவல் தடைச் சட்டம் மற்றும் தகுதி நீக்கம் தொடர்பான விவகாரங்களில் தற்போதைய நிலைப்பாட்டை தெளிவுபடுத்தினார்.
கட்சித் தாவல் தடைச் சட்டத்தின் கீழ் நடவடிக்கை எடுப்பதற்கு விதிகள் இடமளிப்பதாகக் குறிப்பிட்ட சபாநாயகர், தங்களது பதவியை ராஜினாமா செய்த 4 பேர் மீதான நடவடிக்கை ஏற்கனவே தொடங்கப்பட்டுவிட்டது என்று தெரிவித்தார். இந்த விவகாரத்தில் என்ன மாதிரியான நடவடிக்கைகள் எடுக்கப்பட உள்ளன என்பது குறித்த விரிவான விளக்கத்தை விரைவில் அறிவிப்பேன் என்றும் அவர் உறுதியளித்தார்.
எதிர்க்கட்சித் தலைவர் எடப்பாடி பழனிசாமி தரப்பிலிருந்து, 25 பேரைத் தகுதி நீக்கம் செய்யக் கோரி மனு அளிக்கப்பட்டிருந்தது. இந்தச் சூழலில், அவர்களில் 21 பேரை மன்னிப்பதாக இபிஎஸ் தரப்பிலிருந்து சபாநாயகருக்குக் கடிதம் அளிக்கப்பட்டுள்ளது.
இந்தக் கோரிக்கையை ஏற்றுக் கொள்வதாகத் தெரிவித்த சபாநாயகர் ஜே.சி.டி.பிரபாகர், சி.வி.சண்முகம் மற்றும் சி. விஜயபாஸ்கர் உள்ளிட்ட 21 பேரின் மன்னிப்பை ஏற்றுக்கொள்வதாக அதிகாரப்பூர்வமாக அறிவித்தார்.
