சென்னை:
தங்கம் விலை இந்த மாதம் தொடக்கத்திலிருந்து கடந்த 8-ந்தேதி வரை ஏற்ற, இறக்கத்துடன் காணப்பட்டது. கடந்த 9-ந்தேதி முதல் 12-ந்தேதி வரை தொடர்ந்து ஏறுமுகத்திலிருந்து, 13, 14-ந்தேதிகளில் சற்று சரிந்தது.
அதனைத்தொடர்ந்து 15 மற்றும் 16-ந்தேதிகளில் விலையில் மாற்றம் இல்லாமல் இருந்த நிலையில், கடந்த 17-ந்தேதி கொஞ்சம் அதிகரித்து, 18-ந்தேதி மீண்டும் குறைந்தது. இதன் தொடர்ச்சியாக நேற்று முன்தினமும் அதன் விலை இறங்குமுகத்தில் காணப்பட்டது. அதைத் தொடர்ந்து நேற்று மூன்றாவது நாளாகத் தங்கம் விலை சவரனுக்கு ரூ.240 குறைந்து ஒரு சவரன் ரூ. 56,320-க்கு விற்பனையானது.
இந்த நிலையில், வார இறுதி நாளான இன்று தங்கம் விலை அதிரடியாக உயர்ந்துள்ளது. சவரனுக்கு ரூ.480 உயர்ந்து ஒரு சவரன் ரூ. 56,800-க்கும் கிராமுக்கு 60 ரூபாய் உயர்ந்து ஒரு கிராம் ரூ.7,100-க்கும் விற்பனையாகிறது. கடந்த 3 நாட்களாகக் குறைந்து வந்த தங்கத்தின் விலை இன்று உயர்ந்துள்ளது குறிப்பிடத்தக்கது.
கடந்த இரண்டு நாட்களாகக் குறைந்த வெள்ளி விலை இன்று சற்று அதிகரித்துள்ளது. கிராமுக்கு 1 ரூபாய் உயர்ந்து ஒரு கிராம் வெள்ளி 99 ரூபாய்க்கும், கிலோவுக்கு ஆயிரம் ரூபாய் உயர்ந்து பார் வெள்ளி ரூ.99,000-க்கும் விற்பனை செய்யப்படுகிறது.
