Actress Samantha : சென்னையில் பிறந்து வளர்ந்து, தமிழில் வெளியான “விண்ணைத்தாண்டி வருவாயா” திரைப்படத்தின் மூலம் அறிமுகமான நடிகை தான் சமந்தா.
கடந்த 14 ஆண்டுகளாகத் தமிழ், தெலுங்கு, ஹிந்தி ஆகிய மூன்று மொழிகளிலும் நல்ல பல படங்களில் நடித்து, பெரும் புகழோடு பயணித்து வருகிறார் சமந்தா. இந்திய அளவில் அதிக சம்பளம் வாங்கும் நடிகைகளில் இவரும் ஒருவர்.
ஒரு படத்திற்கு நான்கு முதல் ஐந்து கோடி ரூபாய் வரை சம்பளம் பெறும் நடிகை சமந்தா, தமிழில் தளபதி விஜய், சூர்யா, தனுஷ் மற்றும் விஜய் சேதுபதி போன்ற பல முன்னணி நடிகர்களுடன் இணைந்து நல்ல பல படங்களில் நடித்திருக்கிறார்.
இறுதியாகத் தமிழில் கடந்த 2022ம் ஆண்டு வெளியான விக்னேஷ் சிவனின் “காத்து வாக்குல ரெண்டு காதல்” என்கின்ற திரைப்படத்தில் நடித்ததோடு, பெரிய அளவில் இவர் தமிழ் திரைப்படங்களில் நடிக்காமலேயே இருந்து வருகிறார்.
கடந்த 2023ம் ஆண்டு வெளியான “குஷி” என்ற திரைப்படத்திற்கு பிறகு, இன்னும் எந்தத் திரைப்படத்திலும் சமந்தா நடிக்கவில்லை என்றாலும், தற்பொழுது தனது சொந்த தயாரிப்பில் உருவாகி வரும் ஒரு படத்தில் பிஸியாக நடித்து வருகிறார்.
