PM Modi | Member of Parliament
எம்.பி.க்கள் தொகுதிகளுக்குச் சென்று மக்களுடன் அதிக நேரம் செலவிட வேண்டும் எனப் பிரதமர் மோடி கூறியுள்ளதாகத் தகவல் வெளியாகி உள்ளது.
புதுடெல்லி : தேசிய ஜனநாயக கூட்டணியைச் சேர்ந்த எம்.பி.க்கள், 11 குழுக்களாகப் பிரிந்து பிரதமர் மோடியை சந்தித்து வருகின்றனர். அந்த வகையில் உத்தரபிரதேசத்தை சேர்ந்த எம்.பி.க்கள் இன்று மோடியை சந்தித்து கலந்துரையாடினர். அப்போது மோடி பேசியதாக வெளியான தகவலின்படி, எம்.பி.க்கள் அனைவரும் தங்களது தொகுதிகளுக்குச் சென்று, உள்ளூர் பிரச்சினைகள்பற்றிப் பேச வேண்டும். மக்கள் அதிகம் கூடும், திருமணம் உள்ளிட்ட நிகழ்ச்சிகளில் பங்கேற்க வேண்டும். மக்களுடன் அதிக நேரம் செலவிடுவதுடன், அதிருப்தி, கோபத்தில் இருப்பவர்களைச் சமாதானப்படுத்த வேண்டும்.
காங்கிரஸ் கூட்டணிபோல், தேசிய ஜனநாயக கூட்டணி சுயநலத்தில் உருவானது அல்ல. தியாகத்தால் உருவானது. இதற்கு உதாரணமாக, பீகாரில் அதிகாரத்தை விட்டுக்கொடுத்ததை கூறலாம். பீகாரில் பாஜகவுக்கு அதிக எம்.எல்.ஏ.க்கள் கிடைத்த போதும் முதல்-மந்திரி பதவியை நிதிஷ்குமாருக்கு விட்டுக் கொடுத்தோம். ஆனால், நிதிஷ்குமார் கூட்டணியை முறித்து விட்டு எதிர்க்கட்சி கூட்டணியில் சேர்ந்து விட்டார். பஞ்சாப்பில், அகாலிதளம் கூட்டணி ஆட்சியின்போது, அதிக எம்.எல்.ஏ.க்கள் வைத்திருந்த போதும் துணை முதல்-மந்திரி பதவியைப் பாஜக கேட்கவில்லை. இதுவும் மற்றொரு உதாரணம்.
PM Modi | Member of Parliament | Advice | Public | spend time
இவ்வாறு மோடி பேசியதாக அந்தத் தகவல்கள் தெரிவித்து உள்ளன. தெலுங்கானா, ஆந்திரா, கர்நாடகா, புதுச்சேரி, அந்தமான் நிகோபர் தீவுகளைச் சேர்ந்த 96 எம்.பி.க்கள் நாளை மோடியை சந்திக்க உள்ளனர். “நாடாளுமன்ற தேர்தலுக்கு முன்னதாகக் கூட்டணிக்குள் அதிக ஒற்றுமை மற்றும் ஒருங்கிணைப்பை உறுதி செய்வதற்காக இந்தச் சந்திப்புகள் நடைபெறுவதாகத் தகவல்கள் தெரிவிக்கின்றன.
