துணை முதலமைச்சர் தொடர்பான வழக்கு இன்று நீதிமன்றத்தில் விசாரணைக்கு வந்தது. அப்போது, வழக்கின் அவசரத் தன்மையை கருத்தில் கொண்டு, இன்று மதியம் 12 மணி வரை உதயநிதி மீது எந்தவிதமான கட்டாய நடவடிக்கையும் எடுக்க வேண்டாம் என்று நீதிபதி வாய்மொழி உத்தரவு பிறப்பித்ததாக தகவல் வெளியாகியுள்ளது.
மேலும், இந்த உத்தரவை உடனடியாக சம்பந்தப்பட்ட காவல்துறையினருக்கு தெரிவிக்குமாறு அரசு வழக்கறிஞருக்கு நீதிபதி அறிவுறுத்தியதாக கூறப்படுகிறது. இந்த இடைக்கால அறிவுறுத்தலால், வழக்கின் அடுத்தகட்ட விசாரணை நடைபெறும் வரை போலீசார் அவசர நடவடிக்கைகளை மேற்கொள்ளாமல் இருக்க வேண்டும் என்ற நிலை ஏற்பட்டுள்ளது.
வழக்கு மீதான விரிவான விசாரணை தொடர்ந்து நடைபெற உள்ளதாக நீதிமன்ற வட்டாரங்கள் தெரிவித்துள்ளன. உதயநிதி ஸ்டாலின் ஆற்றிய உரை தொடர்பாக அளிக்கப்பட்ட புகாரின் அடிப்படையில் போலீசார் வழக்குப்பதிவு செய்திருந்த நிலையில், இந்த விவகாரம் அரசியல் ரீதியாகவும் பரபரப்பை ஏற்படுத்தியுள்ளது.
திமுக மற்றும் எதிர்க்கட்சிகள் தங்களது கருத்துகளை தொடர்ந்து வெளிப்படுத்தி வருகின்றன.
