மலையாள சினிமாவில் இந்த வருடம் பல படங்கள் வெற்றியைப் பெற்றுள்ளன. அந்தப் படங்கள் தமிழிலும் வெளியாகி வரவேற்பை பெற்றன.
மலையாள வெற்றிப் படங்கள் பட்டியலில் பிரேமலு, பிரம்மயுகம், மலைக்கோட்டை வாலிபன், மஞ்சுமல் பாய்ஸ், ஆடு ஜீவிதம், உள்ளொழுக்கு, லெவல் கிராஸிங், கிஷ்கிந்தா காண்டம், ஆவேசம் உள்ளிட்ட படங்கள் உள்ளன.
ஆனாலும் பல படங்கள் தோல்வி அடைந்து பெரிய நஷ்டத்தை ஏற்படுத்தி இருப்பதாகத் தெரிவிக்கப்பட்டு உள்ளது.
இதுகுறித்து மலையாள தயாரிப்பாளர்கள் சங்கம் வெளியிட்டுள்ள அறிக்கையில், “2024-ம் ஆண்டில் மலையாளத்தில் 199 படங்கள் திரைக்கு வந்து 26 படங்கள் மட்டுமே லாபம் பார்த்துள்ளன. இந்தப் படங்களின் தயாரிப்புச் செலவு ரூ.1000 கோடி.
ஆனால் இந்தப் படங்களின் மூலம் ரூ.350 கோடி மட்டுமே லாபம் கிடைத்துள்ளது. ரூ.650 கோடி முதல் ரூ.700 கோடிவரை நஷ்டம் ஏற்பட்டு உள்ளது. நடிகர்கள் சம்பளத்தை குறைக்க வேண்டும் என்று பலமுறை கோரிக்கை விடுத்தும் அவர்கள் ஏற்கவில்லை.
இது தொடர்ந்தால் மலையாள சினிமா துறை பெரிய இழைப்பை சந்திக்கும்” என்று குறிப்பிடப்பட்டு உள்ளது.
