பாகிஸ்தானை சேர்ந்த ‘யூ-டியூபர்’ ரஜப்பட் என்பவருக்குத் திருமணம் நடைபெற்றது.
திருமணத்தில் பங்கேற்ற அவரது நண்பரும், பிரபல யூ-டியூபருமான ஓமர் டோலா என்பவர் நண்பருக்கு வித்தியாசமாகப் பரிசளிக்க முடிவு செய்து ஒரு சிங்கக்குட்டியை திருமண பரிசாக வழங்கினார்.
இதுகுறித்த வீடியோக்கள் இணையத்தில் வைரலான நிலையில் நெட்டிசன்கள் பலரும் விமர்சனங்களைப் பதிவிட்டனர்.
இதையடுத்து வன அலுவலர்கள் வழக்குப்பதிவு செய்து சிங்கக்குட்டியை மீட்டு உயிரியல் பூங்காவில் ஒப்படைத்தனர்.
மேலும் இதுதொடர்பாகக் கோர்ட்டிலும் வழக்கு தொடரப்பட்டது.
அப்போது நீதிபதி, யூ-டியூபர் ரஜப்பட் உயிரியல் பூங்காவில் சிங்கக்குட்டியை பராமரிக்க நிதியுதவி வழங்க வேண்டும் என்று உத்தரவிட்டார்.
மேலும் ஒவ்வொரு மாதமும் 5 நிமிடங்கள் மக்களுக்குத் தேவையான ஒரு விஷயத்தை எடுத்துரைக்க வேண்டும் என்று வித்தியாசமான தண்டனையை அளித்தார்.
